ແນະນຳ ສນຊ (LFND)

ໜັງສື�žິມ

ເຂົ້າສູ່ລະບົບ

  • Desert
  • Desert
  • Desert
  • Desert
  • Desert
  • Desert
  • Desert


ທ່ານປະທານ ສນຊ ເຂົ້າຮ່ວມພິທີໃສ່ບາດໃນວັນເຂົ້າພັນສາ(2018-07-28)

ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ພ້ອມດ້ວຍ ຄະນະ ໄດ້ເຂົ້າຮ່ວມພິທີໃສ່ບາດ ຢູ່ທີ່ວັດບ້ານຝາຍ ເມືອງ ຈັນທະບູລີ ນະຄອນຫຼວງວຽງຈັນ, ໃນວັນທີ 27 ກໍລະກົດ 2018 ນີ້, ກົງ ກັບມື້ຂຶ້ນ 15 ຄໍ່າ ເດືອນ 8 ລາວ, ເຊິ່ງວັນເຂົ້າພັນສາ ເປັນເວລາທີ່ພຣະພິຂຸກ ຈະໄດ້ປະພຶດປະຕິບັດທໍາ ເພື່ອຕົນເອງ ແລະ ສຶກ ສາຮໍ່າຮຽນພຣະວິໄນ ແລະ ຫຼັກການສອນໃຫ້ສາສະນິກກະຊົນ ເມື່ອເຖິງວັນອອກພັນສາ.

ອ່ານຕໍ່ >>

ສູນກາງແນວລາວສ້າງຊາດ ຮ່ວມກັບ ສູນກາງແນວໂຮມປະເທດຊາດຫວຽດນາມ ເປີດຊຸດຝຶກອົບຮົມວຽກງານແນວໂຮມ(2018-07-28)

ໃນວັນທີ່ 18 ກໍລະກົດ 2018, ສູນກາງແນວລາວສ້າງຊາດ ໄດ້ຮ່ວມກັບສູນກາງແນວໂຮມປະເທດຊາດຫວຽດນາມ ເປີດຊຸດ ຝຶກອົບຮົມວຽກງານແນວໂຮມ ໃຫ້ພະນັກງານຫຼັກແຫຼ່ງຂອງແນວລາວສ້າງຊາດ ຂັ້ນສູນກາງ, ຂັ້ນແຂວງ ແລະ ຂັ້ນເມືອງ ທີ່ ແຂວງບິ່ງດິ້ງ ສສຫວຽດນາມ.

ອ່ານຕໍ່ >>

ຄວາມພ້ອມໃນການຈັດກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວປະເທດ(2018-07-24)

ໃນບໍ່ດົນມານີ້, ສູນກາງແນວລາວສ້າງຊາດ (ສນຊ) ໄດ້ຈັດກອງປະຊຸມປຶກສາຫາລືກ່ຽວກັບການກະກຽມ ແລະ ດຳເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າທົ່ວປະເທດ ຄັ້ງທີ 3 ທີ່ຈະຈັດຂຶ້ນໃນກາງເດືອນ ສິງຫາ ປີ 2018 ນີ້, ໂດຍການເປັນປະ ທານຂອງທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ, ມີບັນ ດາທ່ານຮອງປະທານ ສນຊ, ບັນດາທ່ານກຳມະການ ສນຊ, ຕາງໜ້າກະຊວງ-ອົງການພັກ-ລັດ, ຕາງໜ້າອົງການຈັດຕັ້ງມະຫາ ຊົນ, ບັນດາທ່ານຫົວໜ້າ-ຮອງຫົວໜ້າຫ້ອງການ, ກົມ, ສູນຝຶກອົບຮົມ ສນຊ ແລະ ພາກສ່ວນກ່ຽວຂ້ອງເຂົ້າຮ່ວມ.

ອ່ານຕໍ່ >>

ພິທີປິດຊຸດອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນ(2018-07-24)

ໃນອາທິດຜ່ານມານີ້, ຊຸດອົບຮົມທິດສະດີການເມືອງ-ການປົກຄອງ ໄລຍະສັ້ນ 45 ວັນຊຸດທີ 2 ໃຫ້ແກ່ສະມາຊິກພັກ-ພະນັກງານຫຼັກແຫຼ່ງ ໄດ້ປິດລົງຢ່າງເປັນທາງການ ທີ່ສູນກາງແນວລາວສ້າງຊາດ(ສນຊ), ໂດຍການເປັນປະທານຂອງສະຫາຍ ຄຳໃບ ດຳລັດ ກຳມະການສູນກາງພັກ, ຮອງເລຂາຄະນະພັກ, ຮອງປະທານສູນກາງແນວລາວສ້າງຊາດ, ເປັນກຽດເຂົ້າຮ່ວມມີ ສະຫາຍ ຮສ ສະໜຸດທອງ ສົມພານິດ ຄະນະພັກ, ຮອງຫົວໜ້າສະຖາບັນການເມືອງ-ການປົກຄອງແຫ່ງຊາດ, ມີບັນດາສະຫາຍຄະນະພັກ, ເລຂາ-ຮອງເລຂາອ້ອມຂ້າງ ສນຊ ໜ່ວຍພັກ, ສະມາຊິກພັກ-ພະນັກງານຫຼັກແຫຼ່ງອ້ອມຂ້າງ ສນຊ, ແນວລາວສ້າງຊາດນະຄອນ ຫຼວງວຽງຈັນ ແລະ ແນວລາວສ້າງຊາດເມືອງເຂົ້າຮ່ວມ.

ອ່ານຕໍ່ >>

ປະຖະກະຖາ ຊີວິດ ແລະ ການເຄື່ອນໄຫວຂອງທ່ານ ປະທານ ສຸພານຸວົງ(2018-07-17)

ເພື່ອເປັນການສຶກສາອົບຮົມການເມືອງ-ແນວຄິດ ໃຫ້ສະມາຊິກພັກ, ພະນັກງານ-ລັດຖະກອນ ສູນກາງແນວລາວສ້າງຊາດ ໄດ້ຮັບຮູ້, ເຊື່ອມຊຶມ ແລະ ກໍາແໜ້ນກ່ຽວກັບບັນດາຜົນງານຂອງຜູ້ນຳພັກ-ລັດ ຜູ້ນຳທີ່ແສນເຄົາລົບຮັກຂອງພວກເຮົາ ໃນການຕໍ່ສູ້ກັບພວກລ່າເມືອງຂຶ້ນແບບເກົ່າ ແລະ ແບບໃໝ່; ທັງເປັນການສຶກສາອົບຮົມ, ການຮໍ່າຮຽນເອົາມູນເຊື້ອຮັກຊາດ, ຄວາມສາ ມັກຄີ, ນ້ຳໃຈຕໍ່ສູ້ກູ້ຊາດບໍ່ຍອມຈຳນົນອັນພິລະອາດຫານ, ນ້ຳໃຈເສຍສະຫຼະອັນສູງສົ່ງຂອງຜູ້ນຳພັກ-ລັດ ທີ່ມີຕໍ່ປະເທດຊາດ.

ອ່ານຕໍ່ >>

ກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ພະນັກງານແນວລາວສ້າງຊາດ ທີ່ເຮັດການຊັ້ນຄົນ-ການຈັດຕັ້ງສັງຄົມ ແລະ ພະນັກງານແນວລາວສ້າງຊາດ ຂັ້ນແຂວງ, ເມືອງ ແລະ ບັນດາສະມາຄົມ-ມູນນິທິ (2018-07-17)

ໃນອາທິດຜ່ານມານີ້, ທີ່ສູນກາງແນວລາວສ້າງຊາດ (ສນຊ) ໄດ້ເປີດກອງປະຊຸມຝຶກອົບຮົມສ້າງຄວາມເຂັ້ມແຂງໃຫ້ພະນັກງານ ທີ່ເຮັດວຽກງານຊັ້ນຄົນ-ການຈັດຕັ້ງສັງຄົມ ແລະ ເຜີຍແຜ່ນິຕິກໍາຕ່າງໆ ໃຫ້ພະນັກງານ ແນວລາວສ້າງຊາດ ນະຄອນຫຼວງ, ແຂວງ, ເມືອງ ແລະ ບັນດາສະມາຄົມ-ມູນນິທິ ທົ່ວນະຄອນຫຼວງວຽງຈັນ. ໂດຍການເປັນປະທານຂອງທ່ານ ຮສ. ດຣ. ສົມອົກ ກິ່ງສະດາ ຮອງປະທານ ສນຊ (ຜູ້ຊີ້ນໍາວຽກງານຊັ້ນຄົນ-ອົງການຈັດຕັ້ງສັງຄົມ) ມີບັນດາທ່ານຫົວໜ້າ-ຮອງຫົວໜ້າກົມ, ມີພະ ນັກງານແນວລາວສ້າງຊາດມາຈາກ 3 ແຂວງຄື: ຫຼວງພະບາງ, ໄຊຍະບູລີ, ວຽງຈັນ ແລະ ນະຄອນຫຼວງວຽງຈັນ, ມີບັນດາສະມາ ຄົມ-ມູນນິທິ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ.

ອ່ານຕໍ່ >>

ຄະນະຜູ້ແທນຂັ້ນສູງ ສນຊ ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສສ ຫວຽດນາມ(2018-07-17)

ໃນບໍ່ດົນຜ່ານມານີ້, ຄະນະຜູ້ແທນຂັ້ນສູງສູນກາງແນວລາວສ້າງຊາດ (ສນຊ) ນໍາໂດຍ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ ໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ ສສ ຫວຽດນາມ, ໂດຍການຕ້ອນຮັບຢ່າງອົບອຸ່ນຂອງທ່ານ ໂດ ວັນ ຈຽນ ກໍາມະການສູນກາງພັກ, ລັດຖະມົນຕີ, ປະ ທານຄະນະກຳມະການຊົນເຜົ່າ ສສ ຫວຽດນາມ ພ້ອມດ້ວຍຄະນະ ທີ່ນະຕອນຫຼວງຮ່າໂນຍ.

ອ່ານຕໍ່ >>

ສູນກາງແນວລາວສ້າງຊາດ ພ້ອມຈັດກອງປະຊຸມ ຜູ້ຊົງຄຸນວຸດທິບັນດາຊົນເຜົ່າທົ່ວປະເທດ ຄັ້ງທີ 3 ປີ 2018(2018-07-11)

ທ່ານ ຈັນທະວົງ ແສນອາມາດມົນຕີ ຮອງປະທານສູນກາງແນວລາວສ້າງຊາດ ຫົວໜ້າອະນຸໂຄສະນາ-ຂະບວນການ ກະກຽມ ແລະ ດໍາເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3 ປີ 2018 ໄດ້ຖະແຫຼງຂ່າວກ່ຽວກັບຄວາມພ້ອມໃນການຈັດກອງປະຊຸມຄັ້ງນີ້ວ່າ: ກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະ ເທດ ຄັ້ງທີ 3 ຈະຈັດຂຶ້ນໃນ ວັນທີ 13 ສິງ ຫາ 2018 ໃນທ່າມກາງບັນຍາກາດທີ່ທົ່ວພັກ, ທົ່ວກອງທັບ ແລະ ປວງຊົນລາວທັງຊາດ ພວມຈັດຕັ້ງຜັນຂະຫຍາຍ ມະຕິກອງປະ ຊຸມໃຫຍ່ ຄັ້ງທີ X ຂອງພັກ, ແຜນພັດທະນາເສດຖະກິດ-ສັງຄົມ 5 ປີຄັ້ງທີ VIII ໄລຍະສອງປີເຄິ່ວ ກໍຄືມະຕິກອງປະຊຸມໃຫຍ່ຜູ້ ແທນແນວລາວສ້າງຊາດ ສະໄໝທີ X ຢ່າງເປັນຂະບວນຝົດຟື້ນ ຊຶ່ງການດໍາເນີນກອງປະຊຸມພົບປະຜູ້ຊົງຄຸນວຸດທິບັນດາຊົນເຜົ່າ ທົ່ວປະເທດ ຄັ້ງທີ 3ນີ້ ຈະກົງກັບວັນສ້າງຕັ້ງແນວລາວສ້າງຊາດ ແລະ ວັນສ້າງຕັ້ງສື່ມວນຊົນ ຄົບຮອບ 68 ປີ ( 13 ສິງຫາ 1950-13 ສິງຫາ 2018).

ອ່ານຕໍ່ >>

ພິທີມອບ-ຮັບ ເຂົ້າຊ່ວຍເຫຼືອ(2018-07-11)

ໃນພິທີມອບ-ຮັບເຂົ້າສານ ຈໍານວນ 5 ໂຕນ ຈາກສະຫະພັນສັນຕິພາບໂລກ ໄດ້ຈັດຂຶ້ນ ເມື່ອວັນທີ 6 ກໍລະກົດ 2018 ນີ້, ທີ່ ສູນ ກາງແນວລາວສ້າງຊາດ (ສນຊ) ເຂົ້າທີ່ນໍາມາມອບໃນຄັ້ງນີ້ ແມ່ນເພື່ອເອົາໄປຊ່ວຍເຫຼືອປະຊາຊົນລາວບັນດາເຜົ່າທີ່ພົບຄວາມຫຍຸ້ງຍາກຂາດເຂີນຢູ່ເຂດຫ່າງໄກສອກຫຼິກໃນຂອບເຂດທົ່ວປະເທດ ໂດຍສະເພາະແມ່ນ ແຂວງໄຊຍະບູລີ.

ອ່ານຕໍ່ >>

ກອງປະຊຸມຈັດຕັ້ງເຜີຍແຜ່ນິຕິກໍາຕ່າງໆ ຂອງສູນກາງສະຫະພັນແມ່ຍິງລາວ(2018-07-09)

ໃນຫວ່າງບໍ່ດົນມານີ້, ທີ່ສູນກາງແນວລາວສ້າງຊາດ ໄດ້ເປີດກອງປະຊຸມຈັດຕັ້ງເຜີຍແຜ່ນິຕິກໍາຕ່າງໆ ຂອງສູນກາງສະຫະພັນແມ່ຍິງລາວ ເນື່ອງໃນໂອກາດວັນສ້າງຕັ້ງອົງການຈັດສະຫະພັນແມ່ຍິງລາວ ຄົບຮອບ 63 ປີ (20/7/1955-20/7/2018) ໂດຍການເປັນປະທານຂອງທ່ານ ນ. ສີພະຈັນ ນັນທະວົງສາ ຄະນະປະຈໍາ ສນຊ, ຫົວໜ້າກົມກວດກາ, ປະທານສະຫະພັນແມ່ຍິງ ສນຊ ມີບັນດາຄະນະປະທານສະຫະພັນແມ່ຍິງຕະຫຼອດຮອດສະມາຊິກແມ່ຍິງ ສນຊ ເຂົ້າຮ່ວມ.

ອ່ານຕໍ່ >>

ພິທີມອບ-ຮັບໜ້າທີ່ ຫົວໜ້າກົມຜູ້ເກົ່າ ແລະ ຜູ້ໃໝ່ ຂອງສູນກາງແນວລາວສ້າງຊາດ(2018-07-09)

ພິທີມອບ-ຮັບໜ້າທີ່ ລະຫວ່າງ ຫົວໜ້າກົມຊັ້ນຄົນ-ການຈັດຕັ້ງສັງຄົມ ແລະ ຫົວໜ້າກົມຈັດຕັ້ງ-ພະນັກງານ ສູນກາງແນວລາວສ້າງຊາດ ຜູ້ເກົ່າ ແລະ ໃໝ່ ໄດ້ຈັດຂຶ້ນ ໂດຍເປັນກຽດເຂົ້າຮ່ວມຂອງທ່ານ ຄໍາໃບ ດໍາລັດ ກໍາມະການສູນກາງພັກ,ຮອງເລຂາຄະ ນະພັກ, ຮອງປະທານສູນກາງແນວລາວສ້າງຊາດ ມີບັນດາທ່ານຮອງປະທານ, ຄະນະປະຈໍາ ສນຊ, ຫົວໜ້າກົມຮອງຫົວໜ້າກົມ ພ້ອມດ້ວຍພະນັກງານ-ລັດຖະກອນ ທີ່ກ່ຽວຂ້ອງຈໍານວນໜຶ່ງ ເຂົ້າຮ່ວມເປັນສັກຂີພິຍານ ທີ່ຫ້ອງປະຊຸມສູນກາງແນວລາວສ້າງຊາດ ໃນອາທິດຜ່ານມານີ້.

ອ່ານຕໍ່ >>

ກອງປະຊຸມຄະນະພັກ ສູນກາງແນວລາວສ້າງຊາດເປີດກວ້າງ ຄັ້ງທີ 3 ສະໄໝທີ IV(2018-06-27)

ສູນກາງແນວລາວສ້າງຊາດ ໄດ້ເປີດກອງປະຊຸມອົງຄະນະພັກສູນກາງແນວລາວສ້າງຊາດເປີກວ້າງຄັ້ງທີ 3 ສະໄໝທີ IV ຂຶ້ນ; ໃນວັນທີ 25 ມິຖຸນາ 2018 ໂດຍເປັນກຽດເຂົ້າຮ່ວມ ທັງເປັນປະທານກອງປະຊຸມຂອງ ສະຫາຍ ປອ. ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ເລຂາຄະນະພັກ, ປະທານສູນກາງແນວລາວສ້າງຊາດ ໂດຍມີບັນດາສະຫາຍຄະນະພັກ, ຄະນະໜ່ວຍພັກອ້ອມຂ້າງສູນກາງແນວລາວສ້າງຊາດ, ມີສະມາຊິກພັກອາວຸໂສບໍານານ ຕະຫຼອດຮອດສະມາຊິກພັກສົມບູນ ແລະ ສໍາຮອງເຂົ້າຮ່ວມ.

ອ່ານຕໍ່ >>

ສນຊ ເຊື່ອມຊຶມເອກະສານກ່ຽວກັບການກະກຽມ ແລະ ດຳເນີນກອງປະຊຸມພົບປະຜູ້ຊົງຄຸນວຸດທິ ບັນດາຊົນເຜົ່າທົ່ວປະເທດ ຄັ້ງທີ 3 ປີ 2018(2018-06-25)

ໃນວັນທີ 21 ມິຖຸນາ 2018, ສູນກາງແນວລາວສ້າງຊາດ(ສນຊ) ໄດ້ຈັດກອງປະຊຸມເຊື່ອມຊຶມເອກະສານກ່ຽວກັບການກະກຽມ ແລະ ດຳເນີນກອງປະຊຸມພົບປະຜູ້ຊົງຄຸນວຸດທິ ບັນດາຊົນເຜົ່າທົ່ວປະເທດ ຄັ້ງທີ 3 ປີ 2018 ທີ່ຈະຈັດຂຶ້ນໃນກາງເດືອນ ສິງຫາ ປີ 2018 ນີ້, ໂດຍການເປັນປະທານຂອງທ່ານ ປອ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນ ກາງແນວລາວສ້າງຊາດ, ມີບັນດາທ່ານຮອງປະທານ ສນຊ, ບັນດາທ່ານກຳມະການ ສນຊ ອ້ອມຂ້າງສູນກາງ, ຕາງໜ້າກະຊວງ-ອົງການ ພັກ-ລັດ, ປະທານ-ຮອງປະທານແນວລາວສ້າງຊາດນະຄອນຫຼວງ-ບັນດາແຂວງໃນຂອບເຂດທົ່ວປະເທດ, ບັນດາທ່ານ ຫົວໜ້າ-ຮອງຫົວໜ້າຫ້ອງການ, ກົມ, ສູນຝຶກອົບຮົມ ສນຊ, ຕາງໜ້າພະແນກຈັດຕັ້ງ ແລະ ພະນັກງານ-ລັດຖະກອນອ້ອມຂ້າງ ສນຊ ເຂົ້າຮ່ວມ.

ອ່ານຕໍ່ >>

ໂຄງການຊ່ວຍເຫຼືອປະຊາຊົນຜູ້ຫູໜວກ, ປາກກືກ ແລະ ກະດູກໜີບເສັ້ນ(2018-06-25)

ທ່ານ ດຣ ນາງ ວິພາວັນ ພົມວິຫານ ພັນລະຍາປະທານສູນກາງແນວລາວສ້າງຊາດ ໄດ້ເຄື່ອນໄຫວຢ້ຽມຢາມໂຄງການຊ່ວຍເຫຼືອປີ່ນປົວປະຊາຊົນ ຜູ້ຫູໜວດ, ປາກກືກ, ກະດູກໜີບເສັ້ນປະສາດ, ເປັນອຳມະພຶກ, ອຳມະພາດ ໂດຍບໍ່ເສຍຄ່າປິ່ນປົວ(ຊ່ວຍເຫຼືອລ້າ) ເຊິ່ງມີທິມງານແພດຊ່ຽວຊານໜວດຈາກ ສສ ຫວຽດນາມ, ທີ່ມູນນິທິຊ່ວຍເຫຼືອຄົນທຸກຍາກ ແຫ່ງ ສປປລາວ ສາຂານະ ຄອນຫຼວງວຽງຈັນ(ຫຼັກ 29), ໃນອາທິດຜ່ານມາ.

ອ່ານຕໍ່ >>

ທ່ານ ຮອງປະທານ ສນຊ ເຂົ້າຮ່ວມພິທີວາງສີລາເລີກ ອາຄານສໍານັກງານ ສູນກາງ ອພສ(2018-06-25)

ໃນຫວ່າງບໍດົນຜ່ານມານີ້, ທ່ານ ຈັນທະວົງ ແສນອາມາດມົນຕີ ຮອງປະທານ ສູນກາງແນວລາວສ້າງຊາດ (ສນຊ) ຜູ້ຊີ້ນໍາວຽກ ງານສາສະໜາ ໄດ້ເຂົ້າຮ່ວມພິທີວາງສີລາເລີກ ອາຄານສໍານັກງານ ອພສ ທີ່ວັດທາດຫຼວງເໜືອ ເມືອງໄຊເສດຖາ ນະຄອນຫຼວງວຽງຈັນ, ໂດຍເປັນກຽດເຂົ້າຮ່ວມ ແລະ ເປັນປະທານຂອງທ່ານ ປອ ພັນຄໍາ ວິພາວັນ ກໍາມະການກົມການເມືອງສູນກາງພັກ, ຮອງປະທານປະເທດແຫ່ງ ສປປ ລາວ, ມີບັນດາທ່ານການນໍາມາຈາກບັນດາກະຊວງ, ອົງການຕ່າງໆ, ມີພະສົງ ສາມະເນນ, ມີບັນ ດານັກທຸລະກິດຕ່າງໆ ຕະຫຼອດຮອດພໍ່ແມ່ປະຊາຊົນລາວເຂົ້າຮ່ວມ.

ອ່ານຕໍ່ >>



                                                                             

ປະຕິທີນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ວາລະສານ

ວີດີໂອຂ່າວ

ຈຳນວນຜູ້ເຂົ້າຊົມ

»  1   ອອນໄລ
»  1 ມື້ນີ້
»  12 ມື້ວານນີ້
»  13 ອາທິດນີ້
»  120 ເດືອນນີ້
»  120 ປີນີ້
»  9495 ທັງໜົດ

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ