ແນະນຳ ສນຊ (LFND)

ພິທີ ມອບ-ຮັບ ຄອມພິວເຕີ

ສູນກາງແນວລາວສ້າງຊາດ (ສນຊ) ໄດ້ຈັດພິທີ ມອບ-ຮັບ ຄອມພິວເຕີ ຈາກທະນາຄານພົງສະຫວັນ ເຊິ່ງກ່າວມອບໂດຍທ່ານ ສີວັນ ອຸດທະຈັກ ທີ່ປຶກສາຝ່າຍບຸກຄະລາກອນ ທະນາຄານພົງສະຫວັນ ແລະ ກ່າວຮັບໂດຍ ທ່ານ ແກ້ວຈະເລີນ ເຊ່ຍຢີ້ງຢ່າງ ຄະນະພັກ-ຄະນະປະຈໍາ, ຫົວໜ້າກົມໂຄສະນາ-ອົບຮົມ ສູນກາງແນວລາວສ້າງຊາດ.

ທ່ານ ແກ້ວຈະເລີນ ເຊ່ຍຢີ້ງຢ່າງ ໄດ້ຕາງໜ້າຄະນະພັກ-ຄະນະປະຈໍາ ສູນກາງແນວລາວສ້າງຊາດ ໄດ້ສະແດງຄວາມຂອບໃຈ ເປັນຢ່າງຍິ່ງ ຕໍ່ກັບທະນາຄານພົງສະຫວັນ ທີ່ມີນໍ້າໃຈເອື້ອເຝຶ້ອເພື່ອແຜ່ໄດ້ອຸປະຖໍາຄອມພິວເຕີຕັ້ງໂຕະ ຈໍານວນ 3 ຊຸດ ລວມມູນຄ່າທັງໝົດ 27.750.000  ກີບ (ຊາວເຈັດລ້ານເຈັດແສນຫ້າໝື່ນກີບ) ໃຫ້ ສນຊ ກໍຄືກົມໂຄສະນາ-ອົບຮົມ ເພື່ອ ນໍາໃຊ້ເຂົ້າໃນວຽກງານການກະກຽມເພື່ອສ້າງຕັ້ງໜັງສືພິມແນວລາວສ້າງຊາດ ທີ່ມີປະຫວັດມູນເຊື້ອມາຕັ້ງແຕ່ສ້າງຕັ້ງແນວ ລາວອິດສະຫຼະ ມາຮອດປະຈຸບັນເຫັນວ່າມີຄວາມຈໍາເປັນຕ້ອງໄດ້ສ້າງຕັ້ງໜັງສືພິມແນວລາວສ້າງຊາດຄືນໃໝ່ ເພື່ອຕອບ ສະໜອງຂໍ້ມູນຂ່າວສານໃຫ້ແກ່ປະຊາຊົນບັນດາເຜົ່າໃນຂັ້ນບ້ານ ກໍ່ຄືເຂດຫ່າງໄກສອກຫຼີກທີ່ສື່ຕ່າງໆຍັງບໍ່ທັນທົ່ວເຖິງ.

ໂອກາດນີ້, ທ່ານ ແກ້ວຈະຈະເລີນ ເຊ່ຍຢີ້ງຢ່າງ ກໍ່ໄດ້ຕາງໜ້າຄະນະພັກ-ຄະນະປະຈໍາ ສູນກາງແນວລາວສ້າງຊາດ ມອບໃບ ຍ້ອງຍໍໃຫ້ທະນາຄານ ພົງສະຫວັນ ເພື່ອຂອບໃຈຕໍ່ການຊ່ວຍເຫຼືອຄອມພິວ ໃນຄັ້ງນີ້. ເຂົ້າຮ່ວມພິທີ ມອບ-ຮັບ ໂດຍມີ ທ່ານ ຈັ່ງພິມ ຍົດລືໄຊ ຫົວໜ້າຝ່າຍຫ້ອງການບໍລິຫານ ທະນາຄານພົງສະຫວັນ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍ ເຂົ້າຮ່ວມ ໃນວັນທີ 29 ສິງຫາ 2017.

2017-08-31

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ