ແນະນຳ ສນຊ (LFND)

ຍົກລະດັບວຽກງານ ໄອທີ ໃຫ້ພະນັກງານຫຼັກແຫຼ່ງ ສນຊ

   ວຽກງານ ໄອທີ ແມ່ນພາກສ່ວນໜຶ່ງທີ່ປະກອບສ່ວນຊ່ວຍໃຫ້ການປະຕິບັດໜ້າທີ່ວຽກງານມີຜົນສຳເລັດທາງດ້ານປະລິມານ ແລະ ຄຸນນະພາບ ໃນຍຸກຄອມພິວເຕີທີ່ວ່ອງໄວ ແລະ ທັນສະໄໝ. ນັ້ນແມ່ນເນື້ອໃນບາງຕອນທີ່ທ່ານ ນາງ ຄຳຈັນ ພົມແສງສະ ຫວັນ ຮອງປະທານສູນກາງແນວລາວສ້າງຊາດ ກ່າວໃນພິທີເປີດກອງປະຊຸມຝຶກອົບຮົມວຽກງານ ໄອທີ ໃຫ້ພະນັກງານຫຼັກແຫຼ່ງ ສູນກາງແນວລາວສ້າງຊາດ (ສນຊ) ໃນວັນທີ 4 ກັນຍາ 2017.

      ພ່້ອມກັນນີ້ທ່ານຍັງກ່າວວ່າ: ການປະຕິບັດໜ້າທີ່ວຽກງານໃນຍຸກປັດຈຸບັນນີ້ ວຽກງານ ໄອທີ ໄດ້ປະກອບສ່ວນຢ່າງຕັ້ງ ໜ້າເຂົ້າໃນການພັດທະນາບຸກຄະລາກອນ ແລະ ພັດທະນາວຽກງານ, ສ້າງໃຫ້ມີຄວາມຮູ້ຄວາມສາມາດ, ມີການເຂົ້າເຖິງແຫຼ່ງ ຂໍ້ມູນຂ່າວສານຕ່າງໆ ເຊິ່ງສາມາດເປີດກວ້າງພົມແດນໃນການພົວພັນສື່ສານທີ່ມີລັກສະນະເລືອກແຟ້ນ ໂດຍສະເພາະໂລກ ຂອງພວກເຮົາໃນປັດຈຸບັນທີ່ໄດ້ມີການເຊື່ອມໂຍງກັນ, ທ່ານໄດ້ຮຽກຮ້ອງໃຫ້ສຳມະນາກອນທີ່ເຂົ້າຮ່ວມ ຈົ່ງເຫັນຄວາມສຳຄັນ ໃນການຮຽນຮູ້ຄັ້ງນີ້, ສະຫຼະເວລາເຂົ້າຮ່ວມຕາມການມອບໝາຍ ເພື່ອສາມາດນຳໄປໝູນໃຊ້ເຂົ້າໃນການປະຕິບັດໜ້າທີ່ວຽກ ງານໃຫ້ນັບມື້ບນັບທັນສະໄໝ ເຊິ່ງຈະກາຍເປັນເງື່ອນໄຂໃນການພັດທະນາບຸກຄະລາກອນໃນການຈັດຕັ້ງຕ່າງໆ.

   ການຝຶກອົບຮົມຄັ້ງນີ້, ສໍາມະນາກອນຈະໄດ້ຮຽນຮູ້ ແລະ ເຂົ້າໃຈກ່ຽວກັບຄວາມຮູ້ພື້ນຖານໃນການນໍາໃຊ້ຄອມພິວເຕີ ທີ່ ເຊື່ອມຕໍ່ກັບລະບົບອິນເຕີເນັດ, ການຄຸ້ມຄອງເນື້ອໃນອິນເຕີເນັດ, ຄວາມຮູ້ກ່ຽວກັບເຟສບຸ, ສະມາດໂຟນ ແລະ ອື່ນໆ ທີ່ກ່ຽວ ຂ້ອງກັບອິນເຕີເນັດ ໂດຍໄດ້ເຊີນວິທະຍາກອນຈາກຫຼາຍພາກສ່ວນທີ່ກ່ຽວຂ້ອງເປັນຜູ້ນຳສະເໜີບົດຮຽນ ແລະ ເນື້ອໃນເອກະ ສານ. ໃນນີ້, ຜູ້ເຂົ້າຮ່ວມຍັງໄດ້ມີກັນແລກປ່ຽນຄຳຄິດຄຳເຫັນເຊິ່ງກັນ ແລະ ກັນຕື່ມອີກ.

2017-09-05

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ