ແນະນຳ ສນຊ (LFND)

ທ່ານ ຮອງປະທານ ສນຊ ເຂົ້າຮ່ວມພິທີສະເຫຼີມສະຫຼອງວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ

ເນື່ອງໃນໂອກາດວັນສ້າງຕັ້ງສະຫະພັນນັກຮົບເກົ່າແຫ່ງຊາດລາວ ຄົບຮອບ 15 ປີ (ວັນທີ 09 ກັນຍາ 2002-09 ກັນຍາ 2017) ທ່ານ ຄໍາໃບ ດໍາລັດ ກໍາມະການສູນກາງພັກ ຮອງປະທານສູນກາງແນວລາວສ້າງຊາດ (ສນຊ) ໄດ້ເຂົ້າຮ່ວມພິທີໂຮມຊຸມນຸມ ເພື່ອ ສະເຫຼີມສະຫຼອງວັນດັ່ງກ່າວ ຢູ່ທີ່ຫໍວັດທະນະທໍາແຫ່ງຊາດ.

ໂດຍເປັນປະທານຂອງ ທ່ານ ພົ/ວ ສົມພອນ ແກ້ວມີໄຊ ປະທານສະຫະພັນນັກຮົບເກົ່າແຫ່ງຊາດລາວ ເປັນກຽດເຂົ້າຮ່ວມ ຂອງທ່ານ ພັນຄໍາ ວິພາວັນ ກໍາມະການກົມການເມືອງສູນກາງພັກ ຮອງປະທານປະເທດແຫ່ງ ສປປ ລາວ, ມີບັນດາທ່ານ ການນຳພັກ-ລັດ, ທະຫານ-ຕໍາຫຼວດ ແລະ ພະນັກງານ-ລັດຖະກອນ ຈາກບັນດາກະຊວງ-ອົງການເຂົ້າຮ່ວມ ໃນວັນທີ 5 ກັນຍາ 2017.

ໃນພິທີໂຮມຊຸມນຸມຄັ້ງນີ້, ໄດ້ຮັບຟັງການຫວນຄືນປະຫວັດມູນເຊື້ອອັນສະຫງ່າອົງອາດ ແລະ ວິລະກໍາອັນລໍ້າເລີດຂອງຖັນ ແຖວນັກຮົບປະຕິວັດຮຸ່ນອາວຸໂສ ແລະ ປະຊາຊົນລາວບັນດາເຜົ່າ ທີ່ໄດ້ເສຍສະຫຼະຊີວິດ ເລືອດເນື້ອເພື່ອພາລະກິດປະຕິວັດ ຂອງພັກ, ຄວາມເປັນເອກະລາດ, ອິດສະຫຼະພາບຂອງຊາດ ແລະ ຄວາມຢູ່ດີມີສຸກຈະເລີນວັດທະນາຂອງປະຊາຊົນລາວບັນດາ ເຜົ່າຂອງພວກເຮົາ.  ວັນທີ 9 ກັນຍາ ຂອງທຸກໆປີ ເປັນວັນບຸນສໍາຄັນປະຫວັດສາດ, ວັນບຸນແຫ່ງຄວາມສາມັກຄີ, ມະຫາ ສາມັກຄີ ເຊິ່ງມີຄວາມໝາຍສໍາຄັນເປັນຢ່າງຍິ່ງ ຂອງທົ່ວພັກ, ທົ່ວກໍາລັງປະກອບອາວຸດ ແລະ ທົ່ວປວງຊົນລາວທັງຊາດ.

ໃນໂອກາດນີ້, ທ່ານຮອງປະທານປະເທດແຫ່ງ ສປປ ລາວ ໄດ້ກ່າວບົດປາໄສຕໍ່ງານໂຮມຊຸມນຸມຄັ້ງນີ້ ເຊິ່ງມີເນື້ອໃນບາງຕອນ ທ່ານໄດ້ກ່າວວ່າ: ມື້ນີ້ແມ່ນມື້ທີ່ມີຄວາມໝາຍສໍາຄັນ ເຊິ່ງເປັນໄລຍະທີ່ທົ່ວພັກ, ທົ່ວກອງທັບ ແລະ ທົ່ວປວງຊົນທັງຊາດ ພວມຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກ ແລະ ແຜນພັດທະນາເສດຖະກິດ-ສັງຄົມແຫ່ງຊາດ ຄັ້ງທີ VIII ເຂົ້າໃນທຸກຂົງເຂດວຽກງານຢ່າງຕັ້ງໜ້າ; ການຈັດຕັ້ງສະເຫຼີມສະຫຼອງ 2 ວັນປະຫວັດສາດ ລາວ-ຫວຽດນາມ ທີ່ເຕັມໄປດ້ວຍ ບັນຍາກາດອັນຟົດຟື້ນ ແລະ ງານສະເຫຼີມສະຫຼອງວັນສ້າງຕັ້ງສະຫະພັນນັກຮົບເກົ່າແຫ່ງຊາດ ໃນປີນີ້ ຊຶ່ງເປັນຂີດໝາຍອັນ ສໍາຄັນໃນການສືບຕໍ່ເສີມຂະຫຍາຍມູນເຊື້ອອັນສະຫງ່າອົງອາດຂອງນັກຮົມເກົ່າ ເຂົ້າໃນຂະບວນການຕ່າງໆໃນທົ່ວພັກ ແລະ ທົ່ວປວງຊົນ. ພັກ-ລັດ ໄດ້ຕີລາຄາສູງຕໍ່ຜົນສໍາເລັດ ແລະ ການປະກອບສ່ວນອັນສໍາຄັນທີ່ໃຫຍ່ຫຼວງ ຂອງສະຫະພັນນັກຮົບ ເກົ່າແຫ່ງຊາດ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ຖັນແຖວນັກຮົບເກົ່າ ຍາມໃດກໍ່ຍັງຮັກ ສາໄດ້ຄວາມເຂັ້ມແຂງທາງດ້ານມານະຈິດປະຕິວັດ ສົມເປັນເຫຼັກກ້າທີ່ຖືກສຸບຫຼໍ່ໃຫ້ແຂງແກ່ນມາແລ້ວ, ທ່ານຍັງກ່າວຕື່ມວ່າ: ໃນອະນາຄົດນີ້ ສະຫະພັນນັກຮົບເກົ່າ ຮ່ວມກັບ ພັກ-ລັດ, ປະຊາຊົນລາວບັນດາເຜົ່າຕ້ອງໄດ້ສືບຕໍ່ກຽມພ້ອມເດີນໜ້າຕໍ່ໄປ ຢ່າງບໍ່ຢຸດຢັ້ງ ພ້ອມກັບຂະບວນການແຂ່ງຂັນຮັກຊາດ ແລະ ພັດທະນາ, ຕັ້ງໜ້າເສີມຂະຫຍາຍມູນເຊື້ອປະຕິວັດຕໍ່ສູ້ພິລະອາດ ຫານ, ມູນເຊື້ອສາມັກຄີເປັນຈິດໜຶ່ງໃຈດຽວກັນຢູ່ອ້ອມຂ້າງພັກ, ເຮັດຫຼ້ອນພາລະໜ້າທີ່ຂອງຊາດ ແລະ ປະຊາຊົນ ມອບ ໝາຍໃຫ້ຢ່າງສົມກຽດ. 

                                                                         

2017-09-06

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ