ແນະນຳ ສນຊ (LFND)

ຄະນະກວດກາວຽກງານແນວລາວສ້າງຊາດ ປຶກສາຫາລືກັບອົງການພາຄີໃນການເກັບກຳຂໍ້ມູນຫາງສຽງສັງຄົມ ເພື່ອກະກຽມລາຍງານກອງປະຊຸມສະໄໝສາມັນສະພາແຫ່ງຊາດ

ສູນກາງແນວລາວສ້າງຊາດ ແລະ ອົງການຈັດຕັ້ງມະຫາຊົນໄດ້ປຶກສາຫາລື ເພື່ອເປັນເອກະພາບໃນການກະກຽມບົດປະກອບຄຳ ເຫັນຕໍ່ກອງປະຊຸມສະໄໝສາມັນສະພາແຫ່ງຊາດ ເທື່ອທີ 4 ຊຸດທີ VIII; ພາຍໃຕ້ການເປັນປະທານຂອງ ທ່ານ ນາງ ຄຳຈັນ ພົມແສງສະຫວັນ ຄະນະປະຈຳ, ຮອງປະທານ, ປະທານກວດກາພັກ-ລັດ ສູນກາງແນວລາວສ້າງຊາດ.

ໂດຍມີບັນດາທ່ານຜູ້ຕາງໜ້າມາຈາກສູນກາງສະຫະພັນກຳມະບານລາວ, ສູນກາງສະຫະພັນນັກຮົບເກົ່າແຫ່ງຊາດລາວ, ສູນ ກາງສະຫະພັນແມ່ຍິງລາວ ແລະ ສູນກາງຊາວໜຸ່ມພັກປະຊາຊົນປະຕິວັດລາວ ເຂົ້າຮ່ວມທີ່ຫ້ອງປະຊຸມຊັ້ນ 5 ສູນກາງແນວ ລາວສ້າງຊາດ ໃນວັນທີ 05 ກັນຍາ 2017.

ກອງປະຊຸມໄດ້ຕົກລົງເຫັນດີເປັນເອກະພາບຮ່ວມກັນ ໃນການກະກຽມເນື້ອໃນບົດປະກອບຄຳເຫັນຕໍ່ກອງປະຊຸມສະໄໝສາມັນ ສະພາແຫ່ງຊາດ ເທື່ອທີ 4 ຊຸດທີ VIII ມີຄື: ການຕິດຕາມ, ກວດກາການປະຕິບັດພາລາບົດບາດ, ສິດ ແລະ ໜ້າທີ່ຂອງສະ ພາແຫ່ງຊາດ, ສະມາຊິກສະພາແຫ່ງຊາດ ຂັ້ນສູນກາງ ແລະ ທ້ອງຖິ່ນ; ຕິດຕາມ, ກວດກາຄືນຄໍາສະເໜີຂອງແນວລາວສ້າງ ຊາດ ແລະ ອົງການຈັດຕັ້ງມະຫາຊົນ ໄດ້ສະເໜີຕໍ່ກອງປະຊຸມສະໄໝສາມັນສະພາແຫ່ງຊາດ ເທື່ອທີ 02 ເດື່ອນພະຈິກ ປີ 2016 ຜ່ານມາ; ອັນໃດທີ່ໄດ້ຮັບການແກ້ໄຂແລ້ວ, ອັນໃດຍັງບໍ່ທັນໄດ້ຮັບການແກ້ໄຂ ແລະ ສືບຕໍ່ສະເໜີ; ຕິດຕາມ, ກວດກາເກັບກຳ ຫາງສຽງສັງຄົມຕໍ່ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງລັດແຕ່ສູນກາງຮອດທ້ອງຖິ່ນໃນປະຈຸບັນ (ແຕ່ຈະໄດ້ຂັດເລືອກວ່າອັນໃດເປັນຂອງສະພາ​ແຫ່ງ​ຊາດ, ອັນໃດເປັນຂອງສະພາທ້ອງຖິ່ນ ແລະ ອັນໃດທີ່ກ່ຽວຂ້ອງກັບອົງການ ຂອງລັດ) ຄວນແກ້ໄຂ; ສະເພາະການປະຕິບັດພາລະບົດບາດ, ສິດ ແລະ ໜ້າທີ່ຂອງສະພາແຫ່ງຊາດ ກ່ຽວກັບການຕິດຕາມ, ກວດກາການຈັດຕັ້ງປະຕິບັດລັດຖະທຳມະນູນ, ກົດໝາຍຂອງອົງການປົກປ້ອງກົດໝາຍ (ສານປະຊາຊົນ ແລະ ໄອຍະການປະ ຊາຊົນ); ການຄົ້ນຄວ້າຄຳຮ້ອງ, ຄຳສະເໜີຂອງສະພາ.

2017-09-08

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ