ແນະນຳ ສນຊ (LFND)

ທ່ານ ໄຊສົມພອນ ພົມວິຫານ ພົບປະພະນັກງານຫຼັກແຫຼ່ງ ກະຊວງ ຍທຂ

      ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ ປະທານສູນກາງແນລາວສ້າງຊາດ ສະມາຊິກສະພາ ແຫ່ງຊາດ ເຂດ 1 ພົບປະໂອ້ລົມພະນັກງານຫຼັກແຫຼ່ງ ກະຊວງໂຍທາທິການ ແລະ ຂົນສົ່ງ (ຍທຂ) ໂດຍມີ ທ່ານ ປອ. ບຸນຈັນ ສິນ ທະວົງ ກຳມະການສູນກາງພັກ ລັດຖະມົນຕີກະຊວງ ຍທຂ, ບັນດາທ່ານຮອງລັດຖະມົນຕີ ຕະຫຼອດຮອດພະນັກງານ-ລັດຖະ ກອນຂອງກະຊວງ ຍທຂ ເຂົ້າຮ່ວມທັງໝົດ 171 ທ່ານ, ຍິງ 41 ທ່ານ ໃນວັນທີ 06 ກັນຍາ 2017.

     ໃນນີ້, ທ່ານລັດຖະມົນຕີກະຊວງ ຍທຂ ໄດ້ລາຍງານສະພາບລວມໃນການຈັດຕັ້ງປະຕິບັດວຽກງານຂອງກະຊວງ ຍທຂ ເຊິ່ງ ທ່ານລັດຖະມົນຕີໄດ້ກ່າວວ່າ: ໃນປີ 2017 ນີ້, ກະຊວງ ຍທຂ ໄດ້ຮັບອະນຸມັດຈາກສະພາແຫ່ງຊາດໃຫ້ຈັດຕັ້ງປະຕິບັດໂຄງການ ລົງທຶນຂອງລັດທັງໝົດ 215 ໂຄງການລວມງົບປະມານທັງໝົດ 148,79 ຕື້ກີບ, ຜ່ານການຈັດຕັ້ງປະຕິບັດ 6 ເດືອນຕົ້ນປີ ສາມາດບັນລຸ 98 ໂຄງການ ແລະ ສຳເລັດໄປແລ້ວ 21 ໂຄງການ ນອກຈາກບັນດາໂຄງການຂອງລັດແລ້ວ ກະຊວງ ຍທຂ ຍັງໄດ້ຮັບອະນຸມັດໃຫ້ຈັດຕັ້ງປະຕິບັດໂຄງການກໍ່ສ້າງເສັ້ນທາງລົດໄຟແຕ່ຊາຍແດນ ລາວ-ຈີນ ຫາ ນະຄອນຫຼວງວຽງຈັນ ຊຶ່ງ ເປັນໂຄງການທີ່ໃຫຍ່ລະດັບຊາດ, ຄວາມຄືບໜ້າຂອງໂຄງການຮອດເດືອນມີຖຸນາ 2017 ນີ້ ແມ່ນປະຕິບັດໄດ້ 7,7% ຂອງ ໜ້າວຽກຕົ້ນຕໍເຊັ່ນ: ຊີເຈາະອຸໂມງ, ເຈາະເສົາຂົວ, ຕິດຕັ້ງໂຮງງານປະສົມເບຕົງ  ແລະ ສ້າງຫ້ອງທົດລອງ.

     ໂອກາດນີ້, ທ່່ານປະທານສູນກາງແນວລາວສ້າງຊາດ ເປັນກຽດໂອ້ລົມຕໍ່ພະນັກງານຫຼັກແຫຼ່ງຂອງກະຊວງ ຍທຂ ເຊິ່ງກ່ອນ ອື່ນທ່ານໄດ້ສະແດງຄວາມຍ້ອງຍໍຊົມເຊີຍຕໍ່ບັນດາຜົນງານທີ່ກະຊວງ ຍທຂ ຍາດມາໄດ້ໃນໄລຍະຜ່ານມາ ແລະ ຍັງໄດ້ຍົກໃຫ້ເຫັນ ເຖິງຄວາມສຳຄັນໃນການສ້າງສາພັດທະນາປະເທດຊາດໃນໄລຍະເຊື່ອມໂຍງກັບສາກົນ ແລະ ພາກພື້ນ ຊຶ່ງມີສິ່ງທ້າທາຍຫຼາຍ ຢ່າງແຕ່ໃຫ້ພະນັກງານສະມາຊິກພັກ-ລັດຖະກອນ ຕ້ອງຢຶດໝັ້ນແນວທາງນະໂຍບາຍຂອງພັກ, ຈັດຕັ້ງປະຕິບັດແຜນພັດທະ ນາເສດຖະກິດ-ສັງຄົມ 5 ປີ ຄັ້ງທີ VIII ຂອງລັດ ກໍ່ຄືແຜນພັດທະນາເສດຖະກິດ-ສັງຄົມ ປະຈຳປີ 2017 ສະບັບເລກທີ 3019/ຜກ. ກຜ1, ລົງວັນທີ 19 ທັນວາ 2016 ຜ່ານມາໃຫ້ປະສົບຜົນສຳເລັດຕາມລະດັບຄາດໝາຍທີ່ວາງໄວ້. ນອກຈາກນີ້, ຍັງໄດ້ເຜີຍແຜ່ຜົນສຳເລັດກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ແລະ ສະພານະຄອນຫຼວງວຽງ ຈັນ ຊຸດທີ I ຕື່ມອີກ.

2017-09-08

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ