ແນະນຳ ສນຊ (LFND)

ປະທານ ສນຊ ຕ້ອນຮັບການເຂົ້າຢ້ຽມຂ່ຳນັບຂອງຄະນະຜູ້ແທນແນວໂຮມແຫ່ງຊາດຫວຽດນາມ ນະຄອນໂຮ່ຈີມິນ

  ທ່ານ ໄຊສົມພອນ ພົມວິຫານ ກຳມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງຄະນະຜູ້ແທນແນວໂຮມແຫ່ງຊາດຫວຽດນາມ ນະຄອນໂຮ່ຈີມິນ ສສ ຫວຽດນາມ ນຳໂດຍທ່ານ ໂຕທິບິກເຈົ່າ ຮອງປະທານແນວໂຮມແຫ່ງຊາດຫວຽດນາມ, ຄະນະປະຈຳພັກ, ປະທານແນວໂຮມນະຄອນໂຮ່ຈີມິນ ພ້ອມດ້ວຍ ຄະນະ ຢູ່ທີ່ຫ້ອງຮັບແຂກ ສນຊ, ວັນທີ 8 ກັນຍາ 2017.

ທ່ານປະທານສູນກາງແນວລາວສ້າງຊດ ໄດ້ສະແດງຄວາມຕ້ອນຮັບ ແລະ ຊົມເຊີຍ ຕໍ່ການມາຢ້ຽມຢາມຂອງຄະນະຜູ້ແທນ ແນວໂຮມແຫ່ງຊາດຫວຽດນາມ ນະຄອນໂຮ່ຈີມິນໃນຄັ້ງນີ້, ຊຶ່ງເປັນການປະກອບສ່ວນອັນສຳຄັນເຂົ້າໃນການເພີ່ມທະວີສາຍ ພົວພັນມິດຕະພາບແບບພິເສດ ອັນເປັນມູນເຊື້ອທີ່ຫາຍາກລະຫວ່າງ ລາວ-ຫວຽດນາມ ກໍ່ຄືສອງພັກ-ສອງລັດ ແລະ ປະຊາຊົນ ສອງຊາດ ລາວ-ຫວຽດນາມ.

   ໂອກາດນີ້, ທ່ານຮອງປະທານແນວໂຮມແຫ່ງຊາດຫວຽດນາມ ໄດ້ສະແດງຄວາມຂອບໃຈຕໍ່ທ່ານປະທານສູນກາງແນວລາວ ສ້າງຊາດ ທີ່ໄດ້ເສຍລະຫຼະເວລາອັນມີຄຸນຄ່າມາຕ້ອນຮັບຄະນະຢ່າງອົບອຸ່ນ  ແລະ ໄດ້ແຈ້ງຈຸດປະສົງການມາເຮັດວຽກຢູ່ ສປປ ລາວ ໃນເທື່ອນີ້ໃຫ້ຮັບຊາບວ່າ: ເພື່ອຮັດແໜ້ນຄວາມສາມັກຄີ ລາວ-ຫວຽດນາມ ດັ່ງຄຳກອນຂອງທ່ານ ປະທານ ໂຮ່ຈີມິນ ຜູ້ ນຳທີ່ແສນເຄົາລົບຮັກໄດ້ກ່າວວ່າ: “ຮັກຫອມກັນໝາຍໝັ້ນ ຫຼາຍສັນພູກໍ່ປີນໄຕ່, ຫຼາຍນ້ຳໃຫຍ່ ແລະ ໂຄກຄ້ອຍຂວາງຂັ້ນກໍ່ ດຸ່ງໄປ,   ສອງຊາດ ລາວ-ຫວຽດນາມ ໄດ້ຝັງຄວາມຮັກຢູ່ໃນໃຈ, ຮົງຮາທັງແມ່ຂອງ ບໍ່ເລິກປຸນປານໄດ້”. ພ້ອມກັນນີ້, ຄະນະກໍາ ມະການແນວໂຮມແຫ່ງຊາດຫວຽດນາມ ນະຄອນໂຮ່ຈີມິນ ໄດ້ມອບ Computer Laptop ຈຳນວນ 5 ໜ່ວຍ ລວມມູນຄ່າ 5,000 ໂດລາສະຫະລັດ ໃຫ້ສູນກາງແນວລາວສ້າງຊາດ ຕື່ມອີກ.

2017-09-08

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ