ແນະນຳ ສນຊ (LFND)

ຄະນະຜູ້ແທນວິຊາການ ສູນກາງແນວລາວສ້າງຊາດ ສໍາເລັດການຖອດຖອນບົດຮຽນກ່ຽບກັບວຽກງານສື່ມວນຊົນ ຢູ່ລາຊະອານາຈັກໄທ

   ​ໃນ​ລະຫວ່າງ​ວັນ​ທີ 18-22 ກັນຍາ 2017, ຄະນະ​ຜູ້​ແທນ​ວິຊາ​ການ ສູນ​ກາງ​ແນວ​ລາວ​ສ້າງ​ຊາດ ນໍາ​ໂດຍ ທ່ານ ​ແກ້ວ​ຈ​ະ​ເລີ​ນ ​ເຊ່ຍຢິ້ງຢ່າງ ຄະນະ​ປະ​ຈໍາ, ຫົວໜ້າ​ກົມ​ໂຄສະນາ-ອົບຮົມ ສູນ​ກາງ​ແນວ​ລາວ​ສ້າງ​ຊາດ ພ້ອມ​ດ້ວຍ​ຄະນະ ​ໄດ້​ສໍາ​ເລັດ​ການ​ຢ້ຽມຢາມ ​ແລະ ຖອດ​ຖອນ​ບົດຮຽນ​ກ່ຽວ​ກັບ​ວຽກ​ງານ​ສື່​ມວນ​ຊົນ​ຈາກ​ລາຊະ​ອານາຈັກ​ໄທ.

   ຕະຫຼອດ​ການ​ຢ້ຽມຢາມ ​ແລະ ​ເຮັດ​ວຽກ​ຂອງ​ຄະນະ​ຜູ້​ແທນ​ໃນ​ຄັ້ງ​ນີ້, ຄະນະ​ໄດ້​ພົບ​ປະ​ແລກປ່ຽນ​ບົດຮຽນວຽກ​ງານ​ສື່​ມວນ​ຊົນ​ກັບ​ສະຖານີ​ໂທລະພາບ ​ເວີກ​ພ້ອຍ, ສະຖານ​ນີ​ໂທລະພາບ​ຊ່ອງ 3 ,3 ມິ​ຕິ, ສະຖານີ​ໂທລະພາບ​ຊ່ອງ 11 , ໜັງສືພິມ​ໄທ​ລັດ, ສະຖານ​ນີ​ໂທລະພາບ Spring News ​ແລະ ກຸ່ມ​ບໍລິສັດ SCG, ​ໃນ​ນີ້, ທ່ານ ​ແກ້ວ​ຈະ​ເລີ​ນ ​ເຊ່ຍຢິ້ງຢ່າງ ຍົກ​ໃຫ້​ຮູ້​ວ່າຜ່ານ​ການ​ຢ້ຽມ​ຢາມຖອດ​ຖອນ​ບົດຮຽນ​ກ່ຽວ​ກັບ​ວຽກ​ງານ​ສື່​ມວນ​ຊົນ​ໃນ​ຄັ້​ງນີ້ ຊຶ່ງ​ເປັນ​ຂີດ​ໝາຍ​ອັນ​ສໍາຄັນ ​ເປັນ​ການ​ເພີ​ມທະວີ​ສາຍ​ພົວ ພັນ​ຮ່ວມ​ມື​ລະຫວ່າງ​ບັນດາ​ສາ​ຖາ​ນີ​ໂທລະພາບ​ຂອງລາຊະ​ອານາຈັກ​ໄທ ກັບສູນ​ກາງ​ແນວ​ລາວ​ສ້າງ​ຊາດ ​ແລະ ​ເປັນ​ບົດຮຽນ​ອັນ​ລໍາ​ຄ່າ​ຕໍ່​ກັບ​ວິຊາ​ການ​ທີ່​ຮັບຜິດຊອບ​ວຽກ​ງານ​ສື່​ມວນ​ຊົນ​ຂ​ອງສູນ​ກາງ​ແນວ​ລາວ​ສ້າງ​ຊາດ ​ເຂົ້າ​ໃນ​ການ​ປັບປຸງ​ລາຍການ ​ແລະ ຫ້ອງ​ສະຕູ​ດີ​ໂອ​ຂອງ​ສູນ​ກາງ​ແນວ​ລາວ​ສ້າງ​ຊາດ​ ໃຫ້​ມີ​ບາດກ້າວ​ໃໝ່ຮັບປະກັນ​ໃນ​ການໂຄສະນາ​ວຽກ​ງານ​ແນວ​ລາວ​ສ້າງ​ຊາດ ​ສູ່​ສັງຄົມ​ຢ່າງ​ກວ້າງຂວາງ. ​

2017-09-25

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ