ແນະນຳ ສນຊ (LFND)

ທ່ານປະທານສູນກາງແນວລາວສ້າງຊາດ ເຂົ້າຮ່ວມພິທີສະເຫຼີມສະຫຼອງບຸນຊົນເຜົ່າ

ທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ, ປະທານສູນກາງແນວລາວສ້າງຊາດ (ສນຊ) ໄດ້ເປັນກຽດເຂົ້າຮ່ວມພິທີສະເຫຼີມສະຫຼອງບຸນຊົນເຜົ່າ ທີ່ເມືອງວຽງໄຊ ແຂວງຫົວພັນ, ມີທ່ານ ພູໂຊມ ທໍາມະວີໄຊ ຮອງເຈົ້າແຂວງໆຫົວພັນ, ມີບັນດາທ່ານປະທານ-ຮອງປະທານແນວລາວສ້າງຊາດ 18 ແຂວງທົ່ວປະເທດ, ບັນດາທ່ານການນໍາແຂວງ-ເມືອງ ຕະຫຼອດຮອດພໍ່ແມ່ປະຊາຊົນເຂົ້າຮ່ວມ ໃນວັນທີ 15 ທັນວາ 2017.

ໃນພິທີຄັ້ງນີ້, ໄດ້ຮັບຟັງການລາຍງານ ປະຫວັດເປັນມາຂອງການສະເຫຼີມສະຫຼອງບຸນຊົນເຜົ່າ ເຊິ່ງເປັນການເສີມຂະຫຍາຍວັດທະນະທໍາ, ຮີດຄອງປະເພນີອັນດີງາມຂອງບັນດາເຜົ່າ. ເມືອງວຽງໄຊ ປະກອບມີ 5 ຊົນເຜົ່າຄື: ເຜົ່າລາວ, ເຜົ່າກຶມມຸ, ເຜົ່າໄຕ, ເຜົ່າມົ້ງ ແລະ ເຜົ່າອິວມຽນ ທີ່ມີມູນເຊື້ອຄວາມສາມັກຄີຮັກແພງເຊິ່ງກັນ ແລະ ກັນ, ມີມູນເຊື້ອພິລະອາດຫານ, ດຸໝັ່ນຂະຫຍັນພຽນ, ມີວັດທະນະທໍາ ແລະ ຮີດຄອງປະເພນີທີ່ເປັນເອກະລັກຂອງຕົນ;

ໃນໂອກາດນີ້, ທ່ານ ປອ ໄຊສົມພອນ ພົມວິຫານ ເປັນກຽດໂອ້ລົມຕໍ່ພິທີ ເຊິ່ງມີເນື້ອໃນບາງ ຕອນທ່ານໄດ້ເນັ້ນວ່າ: ໃຫ້ທຸກເຜົ່າເປັນເຈົ້າການໃນການເສີມຂະຫຍາຍຮີດຄອງປະເພນີຂອງເຜົ່າຕົນ, ເອົາໃຈໃສ່ປະກອບສ່ວນໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ, ເອົາໃຈໃສ່ໃນການສຶກສາອົບຮົມການເມືອງແນວຄິດ, ເຂົ້າຮ່ວມຂະບວນການຕ່າງໆ ເຮັດໃຫ້ສັງຄົມມີຄວາມສາມັກຄີປອງດອງກັນ ແລະ ຍັງໄດ້ຮຽກຮ້ອງໃຫ້ບັນດາເຜົ່າຕ່າງໆ ຈົ່ງເອົາໃຈໃສ່ປຸກລະດົມຂົນຂວາຍເຜົ່າຂອງຕົນປະກອບສ່ວນໃນຂະບວນການຕ່າງໆ ແລະ ພ້ອມກັນເຄື່ອນໄຫວໃຫ້ຖືກຕ້ອງສອດຄ່ອງຕາມແນວທາງນະໂຍບາຍຂອງພັກ, ລະບຽບກົດໝາຍຂອງລັດ ຈົ່ງຊ່ວຍກັນເອົາໃຈໃສ່ມີສະຕິ ລະວັງຕົວຕໍ່ການເຄື່ອນໄຫວ ຂອງກຸ່ມຄົນບໍ່ຫວັງດີສວຍໃຊ້ ວຽກງານເຜົ່າ, ວຽກງານສາສະໜາ ເພື່ອເຄື່ອນໄຫວແບ່ງແຍກຄວາມສາມັກຄີພາຍໃນ, ຕ້ອງປະຕິບັດຕາມລະບຽບກົດໝາຍ, ຍິ່ງໄປກວ່ານັ້ນ ແມ່ນການຮັກສາຄວາມສະຫງົບເປັນຫູເປັນຕາຊ່ວຍເຈົ້າໜ້າທີ່ ປ້ອງກັນບໍ່ໃຫ້ມີບັນຫາເກີດຂຶ້ນຈາກກຸ່ມຄົນທີ່ບໍ່ຫວັງດີຕໍ່ປະເທດເຮົາ ແລະ ຈົ່ງເພີ່ມທະວີຄວາມສາມັກຄີເປັນປຶກແຜ່ນເຂົ້າຮ່ວມທຸກຂະບວນການສຳຄັນຂອງຊາດ ກໍຄືປົກປັກຮັກສາ ແລະ ສ້າງສາພັດທະນາປະເທດຊາດໃຫ້ຈະເລີນຮັ່ງມີເຂັ້ມແຂງ.

      ພ້ອມກັນນີ້, ຍັງໄດ້ຮັບຊົມການສະແດງສິລະປະວັນນະຄະດີ ແລະ ກິລາພື້ນເມືອງຈໍານວນໜຶ່ງຈາກບັນດາເຜົ່າ.

 

2017-12-18

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ