ແນະນຳ ສນຊ (LFND)

ທ່ານຮອງປະທານສູນກາງແນວລາວສ້າງຊາດ ຢ້ຽມຢາມບໍລິສັດ CKL

          ວັນທີ 15 ທັນວາ 2017, ທ່ານ ນາງ ຄຳຈັນ ພົມແສງສະຫວັນ ຮອງປະທານສູນ ກາງແນວລາວສ້າງຊາດ ພ້ອມດ້ວຍຄະນະໄດ້ຢ້ຽມຢາມ ບໍລິສັດ CKL ທີ່ເມືອງໄຊເສດຖາ ນະຄອນຫຼວງວຽງຈັນ ເຊິ່ງໄດ້ຮັບການຕ້ອນຮັບຢ່າງອົບອຸ່ນຈາກທ່ານ ສຸເມດ ກອງພັນທະນາ ກຸນ ປະທານບໍລິສັດ CKL ກຣຸບ, ທ່ານ ເຂັ້ມຊາດ ສົມໃຈວົງ ປະທານສະພາຫໍການຄ້າ ແຂວງ ຂອນແກ່ນ ແຫ່ງຣາຊະອານາຈັກໄທ ພ້ອມດ້ວຍພະນັກງານຂອງບໍລິສັດ.

          ໃນນີ້, ປະທານບໍລິສັດ CKL ກຣຸບ ໄດ້ລາຍງານສະພາບລວມການເຄື່ອນໄຫວເຮັດວຽກງານຂອງບໍລິສັດ ໃຫ້ຮັບຊາບ: ເຊິ່ງເປັນບໍລິສັດຜະລິດເກີບຂັດມັນ ທີ່ມີໂຮງງານໃຫຍ່ຕັ້ງຢູ່ແຂວງຂອນແກ່ນ ຣາຊະອານາຈັກໄທ. ຈາກນັ້ນ, ໄດ້ຂະຫຍາຍໂຮງານມາຕັ້ງຢູ່ ສປປ ລາວ ໃນປີ 2102  ແລະ ໄດ້ເລີ່ມຕົ້ນທຳການຜະລິດເກີບ ໃນປີ 2014 ເປັນຕົ້ນມາ, ໂດຍໄດ້ຜະລິດເກີບທີ່ມີຄຸນນະພາບລະດັບສາກົນ ຍີ້ຫໍ້ Dr.Martens ແລະ ໄດ້ໃສ່ຂໍ້ຄວາມໃນຜະລິດຕະພັນວ່າ: ຜະລິດຈາກ ສປປ ລາວ ເພື່ອສົ່ງຂາຍພາຍໃນປະເທດ ແລະ ສົ່ງຂາຍຕ່າງປະເທດ. ປັດ ຈຸບັນສາມາດຜະລິດເກີບໄດ້ 8 ພັນຄູ່ຕໍ່ອາທິດ, 32 ພັນຄູ່ຕໍ່ເດືອນ ພ້ອມນີ້ກໍ່ມີແຜນການທີ່ຈະຂະ ຫຍາຍການຜະລິດໃຫ້ໄດ້ 12 ພັນຄູ່ຕໍ່ອາທິດ, 48 ພັນຄູ່ຕໍ່ເດືອນ ເພື່ອຕອບສະໜອງກັບຄວາມຕ້ອງການຂອງຕະຫຼາດ ໂດຍພະນັກງານຂອງບໍລິສັດສ່ວນຫຼາຍຂອງບໍລິສັດແມ່ນຄົນລາວ ກວມເອົາ 80 % ແລະ ມີແຜນການທີ່ຈະຮັບເອົາກຳມະກອນລາວໃຫ້ຫຼາຍຂຶ້ນ ໂດຍການປະສານສົມທົບລະຫວ່າງພາກລັດ ແລະ ເອກະຊົນໃນການຂັດເລືອກກຳມະກອນ ເພື່ອປະກອບອາຊີບໃນບໍລິສັດດັ່ງກ່າວ. ຈາກນັ້ນ, ຄະນະໄດ້ຢ້ຽມຊົມຂັ້ນຕອນໃນການຜະລິດເກີບ ຕື່ມອີກ.

          ໂອກາດນີ້, ທ່ານຮອງປະທານສູນກາງແນວລາວສ້າງຊາດ ໄດ້ສະແດງຄວາມຍ້ອງ ຍໍຊົມເຊີຍ ແລະ ສະແດງຄວາມຂອບໃຈເປັນຢ່າງຍິງ ຕໍ່ບໍລິສັດ CKL ທີ່ໄດ້ມາຕັ້ງໂຮງງານຜະລິດເກີບ ຢູ່ ສປປ ລາວ ເຊິ່ງສອດຄອ່ງກັບນະໂຍບາຍຂອງລັດຖະບານລາວ ກ່ຽວກັບການສົ່ງເສີມການຄ້າ ແລະ ການລົງທຶນ ຈາກຕ່າງປະເທດໃຫ້ນັບມື້ຫຼາຍຂຶ້ນ; ພ້ອມທັງເປັນການສ້າງວຽກເຮັດງານທຳ-ສ້າງລາຍຮັບໃຫ້ແກ່ຄອບຄົວ,    ເປັນການຍົກລະດັບມາດຕະຖານສີມືແຮງງານລາວ ໃຫ້ເປັນທີ່ຍອມຮັບໃນລະດັບສາກົນ ແລະ ເປັນການພັດທະນາເສດຖະກິດ-ສັງ ຄົມ ໃຫ້ນັບມື້ເຂັ້ມແຂງຂຶ້ນເລື່ອງໆ.

2017-12-18

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ