ແນະນຳ ສນຊ (LFND)

ທ່ານຮອງປະທານສູນກາງແນວລາວສ້າງຊາດ ຮ່ວມພິທີເປີດງານບຸນກີນຈຽງ (ນໍ່ເປ້ເຈົາ) ທີ່ເມືຶຶອງ ລ້ອງຊານ ແຂວງໄຊສົມບູນ

ໃນວັນທີ 19 ທັນວາ 2017, ເມືອງລ້ອງຊານ ແຂວງໄຊສົມບູນ ໄດ້ຈັດພີທີສະເຫຼີມສະຫຼອງບຸນກີນຈຽງ (ນໍ່ເປ້ເຈົາ) ໂດຍ ບ້ານຫີນສໍ ເປັນເຈົ້າພາບເປັນກຽດເຂົ້າຮ່ວມພິທີມີ ທ່ານ ຄຳໃບ ດຳລັດ ກຳມະການສູນກາງພັກ ຮອງປະທານສູນກາງແນວລາວສ້າງຊາດທ່ານ ຈະເລີນ ເຍຍປາວເຮີ ກຳມະການສູນກາງພັກ ລັດຖະມົນຕີປະຈຳສຳນັກງານນາຍົກ ລັດຖະມົນຕີ, ມີການນຳແຂວງ, ເມືອງ, ອົງການປົກຄອງບ້ານຕະຫຼອດຮອດປະຊາຊົນບັນດາເຜົ່າຊາວ ເມືອງລ້ອງຊານເຂົ້າຮ່ວມ.

ໃນນີ້, ທ່ານ ຕົງມົວ ສົວໂກ້ ເລຂາພັກເມືອງ ເຈົ້າເມືອງລ້ອງຊານໄດ້ລາຍງານສະ ພາບລວມໃນການພັດທະນາເສດຖະກິດ-ສັງຄົມ ໂດຍຫຍໍ້ ຂອງເມືອງໃຫ້ຮັບຊາບ ເຊິ່ງທ່ານໄດ້ກ່າວວ່າ: ໃນໜຶ່ງປີຜ່ານມາອົງການປົກຄອງເມືອງ, ແນວລາວສ້າງຊາດເມືອງໄດ້ເອົາໃຈໃສ່ສຶກສາອົບຮົມປະຊາຊົນລາວບັນດາເຜົ່າໃຫ້ມີຄວາມສາມັກຄີປອງດອງກັນ, ສົ່ງ ເສີມປະຊາຊົນທຳການຜະລິດເປັນສີນຄ້າ ແກ້ໄຂຄວາມທຸກຍາກຕາມແຜນພັດເສດຖະກິດ - ສັງຄົມຂອງຊາດ. ພ້ອມກັນນີ້, ທ່ານຍັງໄດ້ໃຫ້ຮູ້ເຖິງປະຫວັດຄວາມເປັນມາການຈັດງານບຸນ ນໍ່ເປ້ເຈົາ ຂອງຊົນເຜົ່າມົ້ງ ເຊິ່ງໄດ້ຈັດຂຶ້ນໃນທຸກໆປີພາຍຫຼັງທີເກັບກູ້ຜົນລະປູກໜຶ່ງປີສຳເລັດ, ທັງເປັນໂອກາດການຢ້ຽມຢາມເຊິ່ງກັນ ແລະ ກັນ.

ໂອກາດດັ່ງກ່າວ, ທ່ານ ຄຳໃບ ດຳລັດ ກໍ່ໄດ້ມີຄຳເຫັນໂອ້ລົມຕໍ່ພິທີດັ່ງກ່າວ ເຊິ່ງກ່ອນອື່ນທ່ານໄດ້ຍ້ອງຍໍຊົມເຊີຍຕໍ່ບັນດາຜົນງານທີ່ຊາວ ເມືອງລ້ອງຊານ ຍາດມາໄດ້ໃນໜຶ່ງປີຜ່ານມາ, ພ້ອມທັງອ່ານສານອວຍພອນ ຂອງທ່ານປະທານສູນກາງແນວລາວສ້າງຊາດ ເນື່ອງໃນໂອກາດບຸນປີໃໝ່ຂອງບັນດາເຜົ່າ. ໃນນີ້, ທ່ານໄດ້ຍົກໃຫ້ເຫັນເຖີງຄວາມໝາຍຄວາມສຳຄັນໃນການຈັດງານບຸນປະເພນີຕ່າງໆຂອງບັນດາຊົນເຜົ່າ ເຊິ່ງເປັນການອະນຸລັກສາຮີດຄອງປະເພນີຂອງເຜົ່າກໍ່ຄືວັດທະນາທຳອັນດີງານຂອງຊາດ ພ້ອມກັນນີ້, ທ່ານຍັງໄດ້ຮຽກຮ້ອງໃຫ້ປະຊາຊົນລາວບັນດາເຜົ່າຊາວ ເມືອງລ້ອງຊານ ຈົ່ງອະນຸລັກສາຮີດຄອງປະເພນີຂອງຕົນອັນໃດດີໃຫ້ສົ່ງເສີມ ອັນໃດຫຼ້າຫຼັງປັບປ່ຽນໃຫ້ແທດເໝາະກັບສະພາບຄວາມເໝາະສົມ ເພື່ອບໍ່ໃຫ້ເປັນຈຸດຖ່ວງດຶງຕໍ່ການພັດທະນາເສດຖະກິດ-ສັງຄົມ ໄປພ້ອມກັນນີ້ຕ້ອງຮັກສາຄວາມສາມັກ ຄີປອງດອງກັນ ຂອງບັນດາເຜົ່າ ພ້ອມທັງຕັ້ງປະຕິບັດມະຕິ X ຂອງພັກ, ມະຕິກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ X ຂອງແນວລາວສ້າງຊາດ, ແຜນພັດທະນາເສດຖະກິດ-ສັງຄົມແຫ່ງຊາດ 5 ປີຄັ້ງທີ VIII ຂອງ ລັດໃຫ້ໄດ້ຮັບຜົນດີ.

2017-12-22

ປະຕິທິນ

Feb-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ