ແນະນຳ ສນຊ (LFND)

ສນຊ ຮັບເຄື່ອງຊ່ວຍເຫຼືອມູນຄ່າ 115,500,000 ກີບ

ສູນກາງແນວລາວສ້າງຊາດ (ສນຊ) ໄດ້ຮັບເຄື່ອງຊ່ວຍເຫຼືອຈາກຊົມຣົມນັກສຶກສາສົງລາວ ໃນຣາຊະອານາຈັກໄທ, ກ່າວມອບໂດຍ ຍາທ່ານໃຫຍ່ ປອ ມະຫາງອນ ດຳລົງບຸນ ປະທານສູນກາງອົງການພຸດທະສາສະໜາສຳພັນລາວ (ອພສ) ແລະ ກ່າວຮັບໂດຍທ່ານ ປອ ໄຊສົມພອນ ພົມວິຫານ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ;

ເຂົ້າຮ່ວມມີບັນດາທ່ານຮອງປະທານ ສນຊ, ຮອງປະທານ ສູນກາງ ອພສ, ມີບັບດາພຣະອາຈານໃຫຍ່, ຫົວໜ້າຫອງການ, ຫົວໜ້າກໍາມາທິການ, ຮອງຫົວໜ້າກໍາມາທິການ ສູນກາງ ອພສ, ບັນດາພຣະອາຈານທີ່ເປັນຜູ້ແທນ ອພສ ຕ່າງໆ, ມີບັນດາທ່ານຫົວໜ້າກົມ, ຮອງຫົວໜ້າກົມ, ພະນັກງານ-ລັດຖະ ກອນ ສນຊ ແລະ ພາກສ່ວນກ່ຽວຂ້ອງ, ໃນວັນທີ 19 ມັງກອນ 2017;

ເຄື່ອງທີ່ໄດ້ຮັບໃນຄັ້ງນີ້ມີ ຄອມພິວເຕີ 31 ຊຸດ, ຜ້າຫົ່ມ 500 ຜືນ ລວມມູນຄ່າ 115,500,000 ກີບ ເພື່ອໃຫ້ ສນຊ ນຳໄປມອບຕໍ່ໃຫ້ບັນດາຫ້ອງການ, ໂຮງຮຽນ ແລະ ພາກສ່ວນອື່ນໆ ທີ່ຍັງຂາດເຄື່ອງ ໃຊ້ຫ້ອງການ.

ພ້ອມກັນນີ້ ທ່ານປະທານ ສນຊ ກໍ່ໄດ້ສະແດງຄວາມຂອບໃຈເປັນຢ່າງຍິ່ງ ຕໍ່ຊົມຣົມນັກສຶສາສົງຂອງລາວ ໃນຣາຊະອານາຈັກໄທ ທີ່ສະໜັບສະໜູນນຳເອົາເຄື່ອງຊ່ວຍເຫຼືອຈຳນວນດັ່ງກ່າວມາມອບໃຫ້ສູນກາງແນວລາວສ້າງຊາດ. ພິທີມອບ-ຮັບໃນຄັ້ງນີ້, ແມ່ນຈະເປັນການຊຸກຍູ້ປູກຈິດສຳນຶກ ໃຫ້ພຣະສົງສາມະເນນ ແລະ ເຍົາວະຊົນຄົນຮຸ່ນໃໝ່ ໄດ້ເຫັນຄວາມສຳຄັນວຽກງານສ່ວນລວມຂອງຊາດ.

2018-01-22

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ