ແນະນຳ ສນຊ (LFND)

ພິທີກ່າວເປີດ ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກ້ວາງຄັ້ງທີ 3 ສະໄໝທີ X.

ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກ້ວາງຄັ້ງທີ 3 ສະໄໝທີ X ໄດ້ເປີດຂື້ນໃນວັນທີ 16-17ຕຸລາ 2018, ທີ່ສູນກາງແນວລາວສ້າງຊາດ

ພາຍໃຕ້ການເປັນປະທານ ຂອງ ທ່ານ ປ.ອ ໄຊສົມພອນ ພົມວິຫານ ກໍາມະການກົມການເມືອງ ສູນກາງພັກ ປະທານສູນກາງແນວລາວສ້າງຊາດ ມີບັນດາ ທ່ານ ຄະນະປະຈໍາສູນກາງແນວລາວສ້າງຊາດ, ມີບັນດາ ທ່ານ ກໍາມະການສູນກາງແນວລາວສ້າງຊາດອ້ອມຂ້າງສູນກາງ ແລະ ບັນດາແຂວງເຂົ້າຮ່ວມ.

      ໃນໂອກາດນີ້, ທ່ານ ປະທານ ສູນກາງແນວລາວສ້າງຊາດໃຫ້ກຽດກ່າວເປີດກອງປະຊຸມຢ່າງເປັນທາງການ ເຊີງ ທ່ານ ຍົກໃຫ້ເຫັນວ່າ: ກອງປະຊຸມຄະນະປະຈໍາສູນກາງແນວລາວສ້າງຊາດ ເປີດກ້ວາງຄັ້ງທີ 3 ສະໄໝທີ X ຄັ້ງນີ້, ມີຄວາມໝາຍ ຄວາມສໍາຄັນຫຼາຍ ເປັນການສະຫຼຸບຕີລາຄາຄືນ ໝາກຜົນການຈັດຕັ້ງປະຕິບັດມະຕິກອງປະຊຸມຄະນະປະຈໍາ ສູນກາງແນວລາວສ້າງຊາດເປີດກ້ວາງຄັ້ງທີ 2 ສະໄໝທີ X ຜ່ານມາ ແລະ ເປັນການປຶກສາຫາລື ຄົ້ນຄ້ວາ, ປະກອບຄໍາຄິດຄໍາເຫັນໃສ່ບັນດາເນື້ອໃນ, ວຽກງານຈຸດສຸມຕົ້ນຕໍແຕ່ນີ້ຮອດປີ 2019 ເປັນຕົ້ນແມ່ນເພີ່ມທະວີຄວາມສາມັກຄີລະຫວ່າງຊົນເຜົ່າສາສະໜາ, ຊັ້ນຄົນ, ເພດ-ໄວ ແລະ ນັບທັງຄົນເຊື້ອຊາດລາວຢູ່ຕ່າງປະເທດໃຫ້ມີຄວາມໜັກ ແໜ້ນທາງດ້ານການເມືອງ-ແນວຄິດ; ຫັນລົງຮາກຖານ, ໄກ້ຊິດຕິດແທດກັບປະຊາຊົນ, ຜູ່ຊົງຄຸນວຸດທິຂອງບັນດາຊົນເຜົ່າ ຢູ່ແຕ່ລະທ້ອງຖິ່ນ; ກອງປະຊຸມຈະໄດ້ຮັບຟັງການປະກອບຄໍາເຫັນຈາກຄະນະກໍາມະການແນວລາວສ້າງຊາດແຂວງບໍ່ແກ້ວ ກ່ຽວ​ກັບ​ການ​ເຕົ້າ​ໂຮມ​ຄວາມ​ສາມັກຄີ​ປະຊາຊົນ​ບັນດາ​ເຜົ່າ​ພາຍ​ໃນ​ແຂວງ​,

ການ​ປະກອບ​ຄໍາ​ເຫັນ​ຈາກ​ຄະນະ​ກໍາມະການ​ແນວ​ລາວ​ສ້າງ​ຊາດ​ແຂວງ​ໄຊ​ສົມ​ບຸນ ກ່ຽວ​ກັບ​ການ​ສ້າງ​ຄອບຄົວ ​ແລະ ບ້ານ​ສາມັກຄີ​ປອງ​ດອງ​ຢູ່​ເມືອງ​ລ້ອງ​ຊານ

​ແລະ ບົດ​ປະກອບ​ຄໍາ​ເຫັນ​ຈາກ​ຄະນະ​ກໍາມະການ​ແນວ​ລາວ​ສ້າງ​ຊາດ​ແຂວງ​ອັດ​ຕະປື ກ່ຽວ​ກັບ​ການ​ປະກອບສ່ວນ​ໃນ​ການ​ຊ່ວຍ​ເຫຼືອ​ປະຊາຊົນ​ທີ່​ໄດ້​ຮັບ​ຜົນ​ກະທົບ​ຈາກ​ໄພ​ນໍ້າ​ຖ້ວມ​ກໍລະນີ​ເຂືອນ​ແຕກ​ຢູ່​ເມືອງ​ສະໜາ​ນ​ໄຊ

​ແລະ ບົດ​ແນະ​ນໍາ​ຈໍານວນ​ໜຶ່ງ​ຂອງ​ຄະນະ​ປະ​ຈໍາ​ສູນ​ກາງ​ແນວ​ລາວ​ສ້າງ​ຊາດ​ໃນ​ການ​ກະກຽມ​ກອງ​ປະຊຸມ​ຂອງ​ອົງຄະ​ນະ​ພັກ, ກະຊວງ, ອົງການ​ໃນ​ແຕ່ລະ​ຂັ້ນ ​ແລະ ກອງ​ປະຊຸມ​ໃຫຍ່​ຂອງ​ແນວ​ລາວ​ສ້າງ​ຊາດ.

      ທ່ານ ປະທານສູນກາງແນວລາວສ້າງຊາດ ໄດ້ມີຄໍາເຫັນ ແລະ ເຈາະຈີ້ມ ເພື່ອເປັນທິດໃນການປະກອບຄໍາຄິດ ຄໍາເຫັນຢ່າງ​ພາວະ​ວິ​ໄສ ຂອງ ບັນດາຄະນະປະຈໍາ ແລະ ຄະນະກໍາມະການສູນກາງແນວລາວສ້າງຊາດ ຕໍ່ກັບຄາດໝາຍສູ້ຊົນ  ຂອງ ອົງການແນວລາວສ້າງຊາດແຕ່ນີ້ຮອດປີ 2019ໃຫ້ບັນລຸຕາມຈຸດປະສົງລະດັບຄາດໝາຍທີວາງໄວ້​.

2018-10-19

ປະຕິທິນ

Feb-2020
S M T W T F S
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ