ແນະນຳ ສນຊ (LFND)

ພິທີເປີດຊຸດຝຶກອົບຮົມ

ປະຕິບັດຕາມຂໍ້ຕົກລົງການຮ່ວມມືລະຫວ່າງສູນກາງແນວລາວສ້າງຊາດ ແລະ ຄະນະຂົນຂວາຍປະຊາຊົນ ສູນກາງພັກກອມມູນິດຫວຽດນາມ ໃນໄລຍະປີ 2016 – 2020, ທີ່ໄດ້ເຊັ່ນກັນໃນວັນທີ 24 ພະຈິກ 2016. ຄະນະກໍາມະການສູນກາງແນວລາວສ້າງຊາດ ແລະ ຄະນະຂົນຂວາຍປະຊາຊົນ ສູນກາງພັກກອມມູນິດຫວຽດນາມເປັນເອກະພາບກັນໃນການຜັນຂະຫຍາຍແຜນການຮ່ວມມື ໄລຍະ 2017 – 2020. ໄດ້ເປີດຊຸດຝຶກອົບຮົມ ແລກປ່ຽນບົດຮຽນວຽກງານຂົນຂວາຍປະຊາຊົນໃຫ້ພະນັກງານຫຼັກແຫຼ່ງຂອງແນວລາວສ້າງຊາດ, ອົງການຈັດຕັ້ງມະຫາຊົນຂັ້ນສູນກາງ, ແນວລາວສ້າງຊາດແຂວງ ແລະ ຂັ້ນເມືອງ ທີ່ ນະຄອນຫຼວງຮ່າໂນ່ຍ ສສ ຫວຽດນາມ ໃນວັນທີ 2 ທັນວາ 2019 ນີ້, ຝ່າຍລາວນໍາໂດຍການທ່ານ ຈັນທະວົງ ແສນອາມາດມົນຕີ, ຮອງປະທານສູນກາງແນວລາວສ້າງຊາດເປັນຫົວໜ້າຄະນະ, ພ້ອມດ້ວຍສໍາມະນາກອນຈໍານວນ 35 ທ່ານ, ໂດຍເປັນກຽດເຂົ້າຮ່ວມຂອງ ທ່ານ ບຸ່ນຕ໋ວນກວາງ ຮອງຫົວໜ້າຄະນະຂົນຂວາຍສູນກາງພັກກອມມູນິດຫວຽດນາມ, ມີຜູ້ຕາງໜ້າສະຖາບັນການເມືອງແຫ່ງຊາດໂຮ່ຈີມິນ, ຄະນະພົວພັນຕ່າງປະເທດສູນກາງພັກເຂົ້າຮ່ວມ.

ຊຸດຝຶກອົບຮົມຄັ້ງນີ້ ແມ່ນຈະໄດ້ດຳເນີນເປັນເວລາ 16 ວັນ( 2-16 / 12 / 2019 ); ຊື່ງຈະໄດ້ຮຽນຮູ້ບາງຫົວຂໍ້ທີ່ສໍາຄັນຄື: ວຽກງານຂົນຂວາຍມະຫາຊົນຂອງພັກໃນສະພາບການໃໝ່, ແນວຄິດໂຮ່ຈີມິນ ກ່ຽວກັບວຽກງານຂົນຂວາຍມະຫາຊົນ, ວຽກງານຂົນຂວາຍມະຫາຊົນຂອງອົງການລັດ, ອໍານາດການປົກຄອງຂ້ນຕ່າງໆ, ວຽກງານປຸກລະດົມຂົນຂວາຍສະມາຊິກກໍາມະບານ ແລະ ຜູ້ອອກແຮງງານ, ວຽກງານປຸກລະດົມຂົນຂວາຍປະຊາຊົນຜູ້ຖືສາສະໜາ, ພຶດຕິກໍາວຽກງານປຸກລະດົມຂົນຂວາຍປະຊາຊົນຊົນເຜົ່າສ່ວນໜ້ອຍໃນການກໍ່ສ້າງຊົນນະບົດແບບໃໝ່ຢູ່ແຂວງລາວກາຍ, ວຽກງານປຸກລະ ດົມຂົນຂວາຍແມ່ຍິງໃນສະພາບການໃໝ່, ວຽກງານປຸກລະດົມຂົນຂວາຍປະຊາຊົນສະໜັບສະໜູນບັນດາຂະບວນການ, ບັນດາອົງການປຸກະດົມຂົນຂວາຍທີ່ແນວໂຮມປະເທດຊາດຫວຽດນາມປຸກລະ ດົມ, ວຽກງານປຸກລະດົມຂົນຂວາຍປະຊາຊົນໆສ່ວນໜ້ອຍ, ພຶດຕິກໍາຂະບວນການ ຂົນຂວາຍມະ ຫາຊົນຄ່ອງແຄ່ວ ກໍ່ສ້າງຕົວເມືອງສີວິໄລ, ວຽກງານປຸກລະດົມຂົນຂວາຍຊາວໜຸ່ມໃນສະພາບການໃໝ່ ແລະ ວຽກງານປຸກລະດົມຂົນຂວາຍນັກຮົບເກົ່າໃນສະພາບການໃໝ່. ນອກຈາກນີ້, ຍັງໄດ້ມີການພົບປະແລກປ່ຽນບົດຮຽນກ່ຽວກັບວຽກງານຂົນຂວາຍປະຊາຊົນ ແລະ ທັດສະນະສຶກສາຢູ່ສຸສານລຸງໂຮ່ ແລະ ຫໍພິພິທະພັນ ປະທານ ໂຮ່ຈີມິນ, ຫໍພິພິທະພັນກອງທັບ, ຫໍພິພິທະພັນຊົນເຜົ່າວິທະຍາຫວຽດນາມ ແລະ ທ່ຽວຊົມພູທີ່ສູງທີ່ສຸດໃນ ສສ ຫວຽດນາມ ສູງຈາກລະດັບໜ້ານໍ້າທະເລເຖິງ 3,143 ແມັດ. ໃນການຝຶກອົບຮົມໃນຄັ້ງນີ້ຜູ້ເຂົ້າຮ່ວມທັງໝົດໄດ້ມີການແລກປ່ຽນບົດຮຽນເຊິ່ງກັນ ແລະ ກັນຄື ການຖາມ-ຕອບຂໍ້ຂ້ອງໃຈ ຫຼື ບັນຫາທີ່ບໍ່ເຂົ້າໃຈຢ່າງກົງໄປກົງມາ, ເພື່ອແນ່ໃສ່ເຮັດໃຫ້ພະນັກງານຫຼັກແຫຼງຂອງອົງການແນວລາວສ້າງຊາດ ໄດ້ຄົ້ນຄ້ວາ ແລະ ແລກປ່ຽນຖອດຖອນບົດຮຽນ, ປະສົບການ ແລະ ພຶດຕິກຳຕົວຈິງ ໃນການເຄື່ອນໄຫວວຽກງານຂົນຂວາຍປະຊາຊົນ. ເພື່ອເປັນບົດຮຽນໃຫ້ແກ່ອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນ ໃຫ້ແທດເໝາະກັບພາລະບົດບາດ, ສິດ ແລະ ໜ້າທີ່ຂອງຕົນ.
ການຝຶກອົບຮົມຄັ້ງນີ້ເປັນການປະກອບສ່ວນອັນສຳຄັນເສີມສ້າງສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງພັກ-ສອງລັດ ກໍ່ຄືປະຊາຊົນສອງຊາດລາວ-ຫວຽດນາມ; ເວົ້າລວມ, ເວົ້າສະເພາະແມ່ນ ລະຫວ່າງສູນກາງແນວລາວສ້າງຊາດ ແລະ ຄະນະຂົນຂວາຍມະຫາຊົນສູນກາງພັກກອມມູນິດຫວຽດນາມ ໃຫ້ແໜ້ນແຟ້ນຍິ່ງຂື້ນ.

2019-12-09

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ