ແນະນຳ ສນຊ (LFND)

ຂະບວນການຂີ່ລົດຖີບ ສານສາຍສຳພັນພີ່ນ້ອງລາວ-ໄທ

ໃນວັນທີ 7 ທັນວາ 2019 ນີ້, ສູນກາງແນວລາວສ້າງຊາດ ຮ່ວມກັບສະຫະພັນລົດຖີບແຫ່ງຊາດລາວ ແລະ ສະຫະພັນ ສັນຕິພາບສາກົນເຂດອາຊີ-ປາຊີຟິກ ໄດ້ສ້າງຂະບວນການຂີ່ລົດຖີບ ສານສາຍສຳພັນພີ່ນ້ອງລາວ-ໄທ ແລະ ໄທ-ລາວ. ເປັນກຽດເຂົ້າຮ່ວມ ແລະ ກ່າວເປີດພິທີຂອງຂະບວນການດັ່ງກ່າວໂດຍ ທ່ານ ເຍ່ຍເກີຢ່າ ໜໍຈໍຈົງຕົວ ຮອງປະທານສູນກາງແນວລາວສ້າງຊາດ, ມີບັນດາທ່ານຕາງໜ້າສະຫະພັນລົດຖີບແຫ່ງຊາດລາວ ແລະ ສະຫະພັນ ສັນຕິພາບສາກົນເຂດອາຊີ-ປາຊີຟິກ ພ້ອມທັງນັກກິລາຂີ່ລົດຖີບຂອງລາວ ແລະ ໄທເຂົ້າຮ່ວມ.

ການສ້າງຂະບວນຂີ່ລົດຖີບຄັ້ງນີ້ ແມ່ນເພື່ອເປັນການຈັດກິດຈະກຳ ສະເຫຼີມສະຫຼອງວັນຊາດທີ 2 ທັນວາ ຄົບຮອບ 44 ປີ, ສ້າງຂະບວນການຂໍ່ານັບຮັບຕ້ອນວັນຄ້າຍວັນເກີດ ຂອງ ທ່ານ ປະທານ ໄກສອນ ພົມວິຫານ ຄົບຮອບ 99 ປີ, ຂໍ່ານັບຮັບຕ້ອນວັນສ້າງຕັ້ງແນວລາວສ້າງຊາດ ຄົບຮອບ 70 ປີ ທີ່ຈະມາເຖິງໃນປີ 2020 ແລະ ເພື່ອລະດົມທຶນຊ່ວຍເຫຼືອປະຊາຊົນຜູ້ປະສົບໄພນໍ້າຖ້ວມຢູ່ທາງພາກກາງ ແລະ ພາກໃຕ້ ຂອງ ສປປ ລາວ ໃນໄລຍະຜ່ານມາ.
ຂະບວນການການຂີ່ລົດຖີບຄັ້ງນີ້ ຈຸດເລີ່ມຕົ້ນແມ່ນຢູ່ທີ່ເດີ່ນ ທາດຫຼວງ ຫາເມືອງສັງທອງ ແລະ ກັບຄືນສູ່ເດີ່ນທາດຫຼວງ ໃນໄລຍະທາງ 80 ກິໂລແມັດ, ທັງໄປ-ກັບໃຊ້ເວລາຢູ່ 4 ຊົ່ວໂມງ ຈຶ່ງຮອດຈຸດໝາຍ.

2019-12-11

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ