ແນະນຳ ສນຊ (LFND)

ຄະນະທີ່ປຶກສາວຽກງານຊົນເຜົ່າ ສນຊ ລົງເຄື່ອນໄຫວຢ້ຽມຢາມປະຊາຊົນ ຢູ່ເມືອງບົວລະພາ ແຂວງຄໍາມ່ວນ

ໃນລະຫວ່າງ ວັນທີ 13-15 ທັນວາ 2019 ນີ້, ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານສູນກາງແນວລາວສ້າງຊາດ (ສນຊ) ຜູ້ຊີ້ນໍາວຽກງານຊົນເຜົ່າ ພ້ອມດ້ວຍຄະນະທີ່ປືກສາວຽກງານຊົນເຜົ່າ ສນຊ ມີທ່ານ ປອ ແກ້ວອຸດອນ ບຸດສິງຂອນ ເຈົ້າເມືອງໆບົວລະພາ ພ້ອມດ້ວຍຄະນະນໍາຂອງແຂວງ ແລະ ເມືອງ ໄດ້ລົງເຄື່ອນໄຫວເຮັດວຽກ ແລະ ມອບເຄື່ອງຊ່ວຍເຫຼືອໃຫ້ປະຊາຊົນ 3 ບ້ານຄື: ບ້ານຫຼັງຄັງ, ບ້ານໜອງໂນ ແລະ ວັງມະເນີ ທີ່ເມືອງບົວລະພາ ແຂວງຄໍາມ່ວນ.

ການເຄື່ອນໄຫວຢ້ຽມຢາມຄັ້ງນີ້, ຄະນະທີ່ປຶກສາວຽກງານຊົນເຜົ່າ ສນຊ ໄດ້ພົບປະໂອ້ລົມກັບພໍ່ແມ່ປະຊາຊົນ 3 ບ້ານຄື: ບ້ານ ຫຼັງຄາ, ບ້ານໜອງໂນ ແລະ ບ້ານ ວັງມະເນິ ໃນໂອກາດນີ້, ນາຍບ້ານໆ ວັງມະເນີ ໄດ້ແຈ້ງສະພາບຈູດພິເສດຂອງບ້ານ ໃຫ້ທ່ານຮອງປະທານ ສນຊ ພ້ອມດ້ວຍຄະນະໄດ້ຮັບຊາບວ່າ: ບ້ານວັງມະເນີ ປະກອບມີ 72 ຄອບຄົວ 347 ຄົນ ຍິງ 147 ຄົນ ປະກອບມີ 2 ເຜົ່າຄື: ເຜົ່າລາວ ແລະ ເຜົ່າກຣີ ຕະຫຼອດໄລຍະຜ່ານມາ ຄະນະພັກບ້ານໄດ້ເອົາໃຈໃສ່ຊີ້ນຳ-ນຳພາ ວຽກງານປ້ອງກັນຊາດ-ປ້ອງກັນຄວາມສະຫງົບ ໂດຍພື້ນຖານມີຄວາມເປັນລະບຽບຮຽບຮ້ອຍ, ດ້ານການເມືອງແນວຄິດໄດ້ສຶກສາອົບຮົມປະຊາຊົນລາວບັນດາເຜົ່າໃຫ້ເຂົ້າຮ່ວມໃນການປົກປັກຮັກສາ ແລະ ສ້າງຊາດ ພັດທະນາປະເທດຊາດ, ດ້ານການພັດທະນາເສດຖະກິດຄອບຄົວຢູ່ບ້ານວັງມະເນີ ແມ່ນໄດ້ຢຶດຖືອາຊີບການປູກຝັງ ແລະ ລ້ຽງສັດເປັນອາຊີບຕົ້ນຕໍ.
ພ້ອມກັນນີ້, ທ່ານ ຮອງປະທານ ສນຊ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານອັນດີເດັ່ນທີ່ຄະນະພັກບ້ານ ແລະ ຄະນະພັກເມືອງ ໄດ້ເອົາໃຈໃສ່ຕໍ່ການຊີ້ນໍາໆພາຢ່າງໃກ້ສິດຕິດແທດກັບປະຊາຊົນ ທີ່ເຮັດໃຫ້ຊີວິດການເປັນຢູ່ຂອງປະຊາຊົນນັບມື້ນັບດີຂຶ້ນເລື້ອຍໆ, ທ່ານໄດ້ຍົກໃຫ້ເຫັນບົດບາດຂອງບັນດາຊົນເຜົ່າຕໍ່ກັບການເຕົ້າໂຮມຄວາມສາມັກຄີໃນເມື່ອກ່ອນກໍ່ຄືປັດຈຸບັນ ຊຶ່ງເປັນໜຶ່ງໃນກຳລັງແຮງທີ່ປຸກລະດົມປະຊາຊົນລາວບັນເຜົ່າ, ສາສະໜາ, ຊັ້ນຄົນ ແລະ ເພດ-ໄວ ເຂົ້າຮ່ວມທຸກຂະບວນການທີ່ສຳຄັນຂອງຊາດ ຂອງພັກ - ລັດ ພ້ອມກັນນີ້, ທ່ານໄດ້ເນັ້ນໃຫ້ອົງການປົກຄອງບ້ານ, ແນວລາວສ້າງຊາດບ້ານ ສືບຕໍ່ເອົາໃຈໃສ່ປຸກລະດົມປະຊາຊົນ ໃນການພັດທະນາເສດຖະກິດຄອບຄົວໂດຍສະເພາະແມ່ນການປູກຝັງ-ລ້ຽງສັດໃຫ້ເປັນສິນຄ້າແກ້ໄຂຄວາມທຸກຍາກເພື່ອເຮັດໃຫ້ຊີວິດການເປັນຢູ່ຂອງປະຊາຊົນດີຂຶ້ນເປັນກ້າວໆ. ພ້ອມກັນນີ້, ຄະນະທີ່ປຶກສາວຽກງານຊົນເຜົ່າ ສນຊ ໄດ້ມອບຢາປົວພະຍາດ ຈໍານວນໜຶ່ງໃຫ້ແກ່ ສຸກສາລາ ບ້ານຫຼັງຄັງ ເປັນມູນຄ່າ 13 ລ້ານກວ່າກີບ, ໄດ້ມອບເຄື່ອງນຸ່ງຫົ່ມ, ອຸປະກອນການຮຽນ ແລະ ເຄື່ອງກິລາຈໍານວນໜຶ່ງໃຫ້ແກ່ບ້ານໜອງໂນ ແລະ ບ້ານວັງມະເນິ ຕື່ມອີກ.

2019-12-17

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ