ແນະນຳ ສນຊ (LFND)

ທ່ານ ຄໍາໃບ ດໍາລັດ ຕ້ອນຮັບການເຂົ້າຢ້ຽມຂໍ່ານັບຂອງຄະນະທີ່ປຶກສາການຂັ້ນແຂວງຕິເບດ

ໃນ ວັນທີ 16 ທັນວາ 2019 ນີ້, ທ່ານ ຫວາງຢາລິ້ນ ຮອງປະທານສະພາທີ່ປຶກສາການເມືອງຂັ້ນແຂວງ ຈີນ ປະຈໍາຕີເບດ ພ້ອມດ້ວຍຄະນະ ໄດ້ເຂົ້າຢ້ຽມຂໍ່ານັບ ທ່ານ ຄໍາໃບ ດໍາລັດ ກໍາມະການສູນກາງພັກ, ຮອງປະທານສູນແນວລາວສ້າງຊາດ (ສນຊ) ເນື່ອງໃນໂອກາດທີ່ທ່ານເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ໃນໂອກາດນີ້, ທ່ານ ຄໍາໃບ ດໍາລັດ ໄດ້ສະແດງຄວາມຊົມເຊີຍ ແລະ ຕີລາຄາສູງ ຕໍ່ການພົວພັນຮ່ວມມືເຊິ່ງເປັນບາດກ້າວທີ່ສໍາຄັນໃຫ້ແກ່ອົງການແນວລາວສ້າງຊາດ ກັບສະພາທີ່ປຶກສາການເມືອງຂັ້ນແຂວງ ຂອງ ສປ ຈີນ ໃນຕໍ່ໜ້າ ແລະ ເປັນການປະກອບສ່ວນເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດ ກໍ່ຄືການເສີມຂະຫຍາຍສາຍພົວພັນມິດຕະພາບ ແລະ ການຮ່ວມມື ລະຫວ່າງສອງປະເທດໃຫ້ນັບມື້ນັບແໜ້ນແຟ້ນຍິ່ງໆຂຶ້ນ ພ້ອມກັນນີ້, ທ່ານ ຫວາງຢາລິ້ນ ຮອງປະທານ ສະພາທີ່ປຶກສາການເມືອງຂັ້ນແຂວງ ຈີນປະຈໍາຕິເບດ ໄດ້ສະແດງຄວາມຂອບໃຈຕໍ່ການຕ້ອນຮັບຢ່າງອົບອຸ່ນ ຂອງທ່ານຮອງປະທານ ສນຊ ພ້ອມດ້ວຍຄະນະ; ພ້ອມທັງກ່າວຈຸດປະສົງຂອງການມາຢ້ຽມຢາມ ແລະ ເຮັດວຽກ ຢູ່ ສປປ ລາວ ຄັ້ງນີ້ ເພື່ອເປັນການສືບຕໍ່ຜັນຂະຫຍາຍການພົວພັນຮ່ວມມື, ການແລກປ່ຽນບົດຮຽນ, ການຊ່ວຍເຫຼືອເຊິ່ງກັນ ແລະ ກັນ ໃນລະຫວ່າງອົງການແນວລາວສ້າງຊາດ ແລະ ສະພາທີ່ປືກສາການເມືອງຂັ້ນແຂວງ ຈີນປະຈໍາຕິເບດ ກໍ່ຄືສອງຊາດ ລາວ-ຈີນ ໃຫ້ນັບມື້ນັບແໜ້ນແຟ້ນຂຶ້ນເລື້ອຍໆ.

2019-12-17

ປະຕິທິນ

Jan-2020
S M T W T F S
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31

ລິຂະສິດ © 2015
ອົງການແນວລາວສ້າງຊາດສະຫງວນລິຂະສິດໄວ້ທັງໜົດ